تاەكۆوندودان اچ: قازاقستان قۇراماسى جەتى جۇلدەمەن كەلە جاتىر

تاەكۆوندودان جاستار اراسىندا مالايزيانىڭ كۋچينگ قالاسىندا ءوتىپ جاتقان ازيا چەمپيوناتى باستالماي جاتىپ، قازاقستان قۇراماسى جەتى مەدالدى جەڭىپ الدى.

بۋنەد باحرامكۋلوۆ (45 كگ) مەن ايىم سەرىكباەۆ (42 كگ) ازيا چەمپيون اتاندى.

بۇعان دەيىن 2005 جىلى الماتىدا وتكەن ازيا چەمپيوناتىندا داۆرانبەك ريزاەۆ قۇرمەت تۇعىرىنىڭ ەڭ بيىك ساتىسىنا كوتەرىلسە، ەندى اراعا 20 جىل سالىپ، ايىم سەرىكباەۆا مەن بۋنەد باحرامكۋلوۆ داۆرانبەك ريزاەۆتىڭ جەتىستىگىن قايتالادى.

توعجان قازنابەك (59 كگ) ەكىنشى ورىن السا، نۇرپەرزەنت ساما ۇلى (48 كگ)، ەگور شاپتەفراتس (78 كەلىدەن اسا سالماق)، داۋلەت راحيمولليەۆ (73 كگ) پەن ليۋبوۆ يۋن (63 كگ) قولا جۇلدەنى قاناعات تۇتتى..

وسىمەن بيىل تاەكۆوندودان قازاقستان قۇراماسى ەكىنشى رەت ۇلكەن جارىستا جۇلدەمەن ەلگە قايتىپ كەلە جاتىر. جىل باسىندا وڭتۇستىك كورەيانىڭ مۋدجۋ قالاسىندا وتكەن «World Taekwondo Diamond Game 2025 G-4» تۋرنيرىندە قازاقستان قۇراماسى ارالاس كوماندالىق سىندا كۇمىس مەدالدى يەلەنگەن ەدى.

داستان كەنجالين،

استانا