Konferenııa lıgasy: «Aqtóbe» jaryspen qosh aıtysty

«Aqtóbe» fýtbol klýby UEFA Konferenııa lıgasy ekinshi irikteý kezeńinde Chehııanyń «Sparta» komandasynan jeńilip qaldy.

Osydan birnege kún buryn komanda arasyndaǵy oıynda Aqtóbeniń klýby qarsylasyn 2:1 esebimen jeńgen edi. Bul esep «Aqtóbege» kelesi kezeńge shyǵýǵa kóp shans berdi. Alaıda, olar Pragada osy múmkindikti paıdalana almady.

Osy matchta «Sparta» qonaqtardan aılasyn asyryp, 4:0 esebimen jeńiske jetti. Alań ıeleri eki goldy birinshi taımda, taǵy eki goldy ekinshi taımda saldy. 57-mınýtta Velko Bırmanchevıch alǵashqy goldyń avtory atandy. Sodan keıin 60-mınýtta Mateı Rınesh nysanany dál kózdedi. Al ekinshi taımda Ian Kýhta 64-mınýtta, Albıon Rahmanı 94-mınýtta dopty torǵa toǵytty.

Osylaısha «Aqtóbe» qarsylasynan 0:4 esebimen jeńilip, jarysty erte aıaqtady.

Eske sala ketsek, «Aqtóbe» Eýrokýbok oıyndaryn Eýropa lıgasy birinshi irikteý kezeńinen bastap, Polshanyń «Legııa» komandasynan 0:1, 0:1 esebimen jeńilgen bolatyn. Sonymen birge  Shymkenttiń «Ordabasy» fýtbol klýby UEFA Konferenııa lıgasy birinshi irikteý kezeńinde Grýzııanyń «Torpedo» (Kýtaısı) klýbyna (3:4, 1:1) jol berdi. Al, «Astana» klýby Konferenııa lıgasynyń ekinshi irikteý kezeńinde Moldovanyń «Zımbrý» komandasyn (1:1, 2:0) jeńip, jarysty jalǵastyryp jatyr.

Almatynyń «Qaırat» fýtbol klýby bolsa UEFA Chempıondar lıgasy ekinshi irikteý kezeńinde Fınlıandııanyń KýPS komandasyn (3:0, 0:2) jeńip, jarystyń úshinshi kezeńine shyqty.

Dastan KENJALIN,

ASTANA