ۋكراينا تەننيسشىسى رىباكينامەن ويناۋدان باس تارتتى

قازاقستاننىڭ ءبىرىنشى، الەمنىڭ 12-راكەتكاسى ەلەنا رىباكينا كانادانىڭ مونرەال قالاسىندا ءوتىپ جاتقان WTA 1000 ءتۋرنيرىنىڭ جارتىلاي فينالىنا شىقتى، دەپ حابارلادى قازاقستان تەننيس فەدەراتسياسى.

ول شيرەك فينالدا الەمنىڭ 28-راكەتكاسى، ۋكراينالىق مارتا كوستيۋكپەن وينادى. وسىعان دەيىن قارسىلاستار ءۇش رەت كورتقا شىعىپ، سونىڭ ەكەۋىندە رىباكينا جەڭگەن ەدى. بۇل جولى ءبىرىنشى پارتيادا رىباكينا ايقىن باسىمدىلىق تانىتتى. ەسەپ 6:1 بولدى.

ەكىنشى سەتتە ەسەپ 2:1 بولعان كەزدە كوستيۋك ماتچتى جالعاستىرۋدان باس تارتتى.

53 مينۋتقا سوزىلعان ويىندا رىباكينا ەيس جاساماعانىمەن، 10 برەيك-پوينتتىڭ ۇشەۋىن پايدالانىپ ۇلگەردى.

ەندى ەلەنا رىباكينا فينالعا شىعۋ ءۇشىن الەمنىڭ 85-راكەتكاسى، 18 جاستاعى كانادالىق ۆيكتوريا مبوكومەن وينايدى.