Ýkraına tennısshisi Rybakınamen oınaýdan bas tartty

Qazaqstannyń birinshi, álemniń 12-raketkasy Elena Rybakına Kanadanyń Monreal qalasynda ótip jatqan WTA 1000 týrnıriniń jartylaı fınalyna shyqty, dep habarlady Qazaqstan tennıs federaııasy.

Ol shırek fınalda álemniń 28-raketkasy, ýkraınalyq Marta Kostıýkpen oınady. Osyǵan deıin qarsylastar úsh ret kortqa shyǵyp, sonyń ekeýinde Rybakına jeńgen edi. Bul joly birinshi partııada Rybakına aıqyn basymdylyq tanytty. Esep 6:1 boldy.

Ekinshi sette esep 2:1 bolǵan kezde Kostıýk matchty jalǵastyrýdan bas tartty.

53 mınýtqa sozylǵan oıynda Rybakına eıs jasamaǵanymen, 10 breık-poınttyń úsheýin paıdalanyp úlgerdi.

Endi Elena Rybakına fınalǵa shyǵý úshin álemniń 85-raketkasy, 18 jastaǵy kanadalyq Vıktorııa Mbokomen oınaıdy.