جانىبەك ءابۋ-باكىر – XII دۇنيەجۇزىلىك ويىنداردىڭ چەمپيونى!

قىتايدىڭ چەندۋ قالاسىندا ءوتىپ جاتقان XII دۇنيەجۇزىلىك ويىنداردا قازاقستان سپورتشىلارىنىڭ قورجىنىنا العاشقى التىن مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

دجيۋ-دجيتسۋدان الەم چەمپيونى، 69 كگ سالماقتاعى جانىبەك ءابۋ-باكىر فينالدا فاريد بەن ءاليدى 12:9 ەسەبىمەن جەڭدى.

جارىستاعى جولى:

توپتىق كەزەڭ.

رايان پرواگ — 50:0

فاريد بەن الي — 17:14

جارتىلاي فينال: ەراسمو پاگانو — 20:4

اسلان قاناتبەك (62 كگ) ءۇشىنشى ورىن ءۇشىن جەكپە-جەكتە كولۋمبيالىق جايرو ۆيۆيەكاستى جەڭدى.

نۇرسۇلتان دۇيسەنقۇلوۆ (77 كگ) كۇمىس جۇلدەگەر اتاندى. ول فينالدا دات لۋكاس اندەرسەنگە 11:15 ەسەبىمەن جول بەردى.

وتانداسىمىز فينالعا دەيىن تاعى ءبىر جەكپە-جەكتە لۋكاس اندەرسەندى 16:12، يورو ياننيك ەفرەم زوۋزوۋانى 15:17 ەسەبىمەن جەڭىپ، جارتىلاي فينالدا پەرسي كۋنساسدان 27:18 ەسەبىمەن باسىم تۇسكەن ەدى.

بۇعان دەيىن كاراتەدەن 50 كەلىدەگى ءمولدىر جاڭبىرباي كۇمىس جۇلدەگە يە بولعان ەدى.

جالپى، وتانداستارىمىز بۇل جارىسقا 1993 جىلدان بەرى قاتىسىپ كەلەدى. قازىرگە دەيىن ولار 6 التىن، 4 كۇمىس، 7 قولا جۇلدە الدى.

بيىل جارىس 34 سپورت تۇرىنەن ءوتىپ، 253 مەدال جيىنتىعى ساراپقا سالىنادى. دۇرمەكتى دوداعا 17 تامىزعا دەيىن 114 ەلدەن 4 000 سپورتشى قاتىسىپ جاتىر.