SportPress.kz Qazaqstan sport jańalyqtary
Qytaıdyń Chendý qalasynda ótip jatqan XII Dúnıejúzilik oıyndarda Qazaqstan sportshylarynyń qorjynyna alǵashqy altyn medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
Djıý-djıtsýdan álem chempıony, 69 kg salmaqtaǵy Jánibek Ábý-Bákir fınalda Farıd Ben Alıdi 12:9 esebimen jeńdi.
Jarystaǵy joly:
Toptyq kezeń.
Raıan Proag — 50:0
Farıd Ben Alı — 17:14
Jartylaı fınal: Erasmo Pagano — 20:4
Aslan Qanatbek (62 kg) úshinshi oryn úshin jekpe-jekte kolýmbııalyq Jaıro Vıvıekasty jeńdi.
Nursultan Dúısenqulov (77 kg) kúmis júldeger atandy. Ol fınalda dat Lýkas Andersenge 11:15 esebimen jol berdi.
Otandasymyz fınalǵa deıin taǵy bir jekpe-jekte Lýkas Andersendi 16:12, Ioro Iannık Efrem Zoýzoýany 15:17 esebimen jeńip, jartylaı fınalda Persı Kýnsasdan 27:18 esebimen basym túsken edi.
Buǵan deıin karateden 50 kelidegi Móldir Jańbyrbaı kúmis júldege ıe bolǵan edi.
Jalpy, otandastarymyz bul jarysqa 1993 jyldan beri qatysyp keledi. Qazirge deıin olar 6 altyn, 4 kúmis, 7 qola júlde aldy.
Bıyl jarys 34 sport túrinen ótip, 253 medal jıyntyǵy sarapqa salynady. Dúrmekti dodaǵa 17 tamyzǵa deıin 114 elden 4 000 sportshy qatysyp jatyr.
