Elimizde alǵash ret Azııadaǵy bedeldi sport uıymynyń basqosýy bastaldy

Búgin Astanada Týrızm jáne sport mınıstrligi, Azııa Paralımpıadalyq komıteti men Qazaqstan Ulttyq paralımpıadalyq komıtetiniń uıymdastyrýymen jáne  halyqaralyq sport uıymdarynyń qoldaýymen Azııa Paralımpıadalyq komıtetiniń (APK) konferenııasy men  VII Bas assambleıasynyń otyrysy bastaldy, dep habarlady Týrızm jáne sport mınıstrligi.

Mundaı aýqymdy is-shara alǵash ret elimizde ǵana emes, Ortalyq Azııada uıymdastyrylyp otyr. Forýmǵa 45 elden 190-nan astam delegat qatysyp jatyr.

Jıynnyń saltanatty ashylý rásimine týrızm jáne sport mınıstri Erbol Myrzabosynov qatysyp, is-sharalardyń Astanada ótkizýdiń mańyzdylyǵyna toqtalyp ótti.

Paralımpıadalyq qozǵalystyń jáne negizgi uıymdardyń basshylaryn qabyldaý – Qazaqstan úshin úlken mártebe ári zor jaýapkershilik. Memleket basshysynyń paralımpıadalyq sport pen teń múmkindik qaǵıdattaryn damytýǵa aıryqsha nazar aýdaryp, júıeli túrde qoldaý kórsetýiniń arqasynda búgingideı aýqymdy halyqaralyq is-sharany ótkizip otyrmyz. Biz Qazaqstandy ınklıýzıvti sporttyń aımaqtyq ortalyǵyna aınaldyrýǵa jáne ár sportshynyń óz áleýetin tolyq ashýyna jaǵdaı jasaýǵa umtylamyz, — dedi ol.

Onyń aıtýynsha, Qazaqstan Ulttyq paralımpıadalyq komıteti 2002 jyly qurylǵan sátten beri 19 paralımpıadalyq sport túrin belsendi damytyp, jyl saıyn 800-den astam jarys ótkizedi. Sondaı-aq otandyq sportshylardyń 80-nen astam halyqaralyq týrnırge, sonyń ishinde eń iri álemdik dodalarǵa qatysýyn qamtamasyz etip keledi.

Konferenııa men Assambleıanyń qurmetti qonaqtary qatarynda APK prezıdenti Madjıd Rashed, Halyqaralyq Paralımpıadalyq komıtettiń (IPC) prezıdenti Endrıý Parsons, ulttyq paralımpıadalyq komıtetterdiń basshylary, halyqaralyq federaııalardyń ókilderi jáne sarapshylar bar.

Forýmnyń iskerlik baǵdarlamasyna Ulttyq paralımpıadalyq komıtetterde basqarýdy jetildirý, jastar men áıelderdiń para sportqa qatysýyn arttyrý, qoljetimdi sport jiktemesi men tehnologııasyna ınnovaııa engizý, sondaı-aq Azııa Para oıyndary sııaqty iri halyqaralyq jarystarǵa daıyndyq máseleleri engen.

13 tamyzda forým aıasynda Astanadaǵy Kongress-ortalyqta Asian Awards marapattaý rásimi bolady. Onda Azııadaǵy paralımpıadalyq qozǵalysty damytýǵa eleýli úles qosqan sportshylar, jattyqtyrýshylar men uıymdar arnaıy syılyqtar alady.