SportPress.kz قازاقستان سپورت جاڭالىقتارى
قىتايدىڭ چەندۋ قالاسىندا ءوتىپ جاتقان XII دۇنيەجۇزىلىك ويىندارىندا دجيۋ-دجيتسۋدان نە-ۆازا ءبولىمى بويىنشا 77 كەلى سالماق دارەجەسىندە سەيىلحان بولاتبەك قولا مەدال جەڭىپ الدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
وتانداسىمىز جۇلدەلى ورىن ءۇشىن تالاستا كانادا وكىلى مايكل شيحانمەن جولىعىپ، 2:0 ەسەبىمەن باسىم ءتۇستى. ودان بولەك، 69 كەلىدەگى نۇرجان باتىربەكوۆ 3-ورىن ءۇشىن ايقاستا وڭتۇستىك كورەيا سپورتشىسى سەونگ حيون جۋعا ەسە جىبەرىپ، جۇلدەگە ءبىر قادام جەتپەي قالعان ەدى.
وسىلايشا، وتانداستارىمىز ءۇشىن دجيۋ-دجيتسۋدان XII دۇنيەجۇزىلىك ويىندارى اياقتالدى، — دەلىنگەن حابارلامادا.
كەشە دجيۋ-دجيتسۋدان فايتينگ ءبولىمى بويىنشا 69 كەلىدە جانىبەك ءابۋ-باكىر چەمپيون اتانسا، 77 كەلىدەگى نۇرسۇلتان دۇيسەنقۇلوۆ كۇمىس جۇلدە مەن 62 كەلىدە اسلان قاناتبەك قولا جۇلدەنى يەلەنگەن بولاتىن.
17 تامىزعا دەيىن جالعاساتىن ءتورت جىلدىقتىڭ باستى باسەكەسىندە سپورتشىلارىمىز ەندى سپورتتىق جانە جاۋىنگەرلىك، سپورتتىق قۇزعا ورمەلەۋدەن سىنعا تۇسەدى.
