Seıilhan Bolatbek – XII Dúnıejúzilik oıyndardyń qola júldegeri!

Qytaıdyń Chendý qalasynda ótip jatqan XII Dúnıejúzilik oıyndarynda djıý-djıtsýdan ne-vaza bólimi boıynsha 77 keli salmaq dárejesinde Seıilhan Bolatbek qola medal jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Otandasymyz júldeli oryn úshin talasta Kanada ókili Maıkl Shıhanmen jolyǵyp, 2:0 esebimen basym tústi. Odan bólek, 69 kelidegi Nurjan Batyrbekov 3-oryn úshin aıqasta Ońtústik Koreıa sportshysy Seong Hıon Jýǵa ese jiberip, júldege bir qadam jetpeı qalǵan edi.

Osylaısha, otandastarymyz úshin djıý-djıtsýdan XII Dúnıejúzilik oıyndary aıaqtaldy, — delingen habarlamada.

Keshe djıý-djıtsýdan faıtıng bólimi boıynsha 69 kelide Jánibek Ábý-Bákir chempıon atansa, 77 kelidegi Nursultan Dúısenqulov kúmis júlde men 62 kelide Aslan Qanatbek qola júldeni ıelengen bolatyn.

17 tamyzǵa deıin jalǵasatyn tórt jyldyqtyń basty básekesinde sportshylarymyz endi sporttyq jáne jaýyngerlik, sporttyq quzǵa órmeleýden synǵa túsedi.