World Boxing: Qazaqstan jastary qurmet tuǵyryna kóterildi

Búgin Taılandtyń astanasy — Bangkok qalasynda jańadan qurylǵan Búkilálemdik boks uıymynyń (World Boxing) uıymdastyrýymen ótken 22 jasqa deıingi jastar arasynda Azııa chempıonaty aıaqtaldy.

Bul dúrmekti dodada Qazaqstan quraamsynyń erler jáne qyzdar komandalary 9 medaldi ıelendi. Olardyń beseýi altyn júlde bolsa, tórteýi  kúmis medal.

Nurıslam Qaldybaev (60 kg), Sanjarálı Begalıev (80 kg), Temirlan Muqataev (90 kg), Gúlnaz Bóribaeva (48 kg) men Baqyt Seıdish (70 kg) óz salmaqtarynda chempıon atandy.

Ilıa Kalının (65 kg), Nurbek Mursal (70 kg), Shuǵyla Nálibaı (75 kg) men Ásel Toqtasyn (80 kg) kúmis medalge ıe boldy.

Buǵan deıin 19 jasqa deıingi boksshylar arasynda Rasýl Asanhanov (90 kg) pen Quralaı Eginbaıqyzy (80 kg) Azııa chempıony ataǵyn jeńip aldy. Osy sanatta Ádilet Tórtýbek (60 kg), Bıbarys Áshirbaı (70 kg), Tımýr Taıbekov (80 kg), Nursultan Qystaýbaı (85 kg), Aıajan Ermek (57 kg) ekinshi oryn alsa, Aıym Tańqybaeva (51 kg), Janel Imantaeva (54 kg), Alına Kudaıgenova (60 kg), Aqbota Esimbekova (65 kg) men Sabına Jaqsylyq (80 keliden asa salmaq) qola medaldi ıelendi.

Bıylǵy Azııa chempıonatyna 25 elden 396 boksshy (237 er jáne 159 áıel) qatysty. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, О́zbekstan, BAÁ, Vetnam, Býtan eliniń bylǵary qolǵap ıeleri boldy.

Dastan KENJALIN,

ASTANA