SportPress.kz قازاقستان سپورت جاڭالىقتارى
كاميل كۋرۋگليەۆ ەركىن كۇرەستەن بولگاريانىڭ ساموكوۆتا قالاسىندا ءوتىپ جاتقان U20 ساناتىنداعى الەم چەمپيوناتىنىڭ فينالىنا شىعىپ، كۇمىس جۇلدەگەر اتاندى.
ول 92 كەلىگە دەيىنگى سالماق دارەجەسىندە وزبەكستاننىڭ بالۋانى شەرزود پوەنوۆپەن كۇرەستى. تارتىستى بەلدەسۋدە پوەنوۆ 3:2 ەسەبىمەن جەڭدى.
قازىر قازاقستان قۇراماسىنىڭ قورجىنىندا بەس مەدال بار. بۇعان دەيىن ەدىگە قاسىمبەك (125 كەلىگە دەيىن) الەم چەمپيونى اتانسا، نۇردانات ايتانوۆ (57 كەلىگە دەيىن)، دوسجان قۇل-عايىپ (74 كەلىگە دەيىن) پەن سامير دۋرسۋنوۆ (97 كەلىگە دەيىن) الەم چەمپيوناتىنىڭ قولا جۇلدەسىنە يە بولدى.
داستان كەنجالين،
استانا
