US Open: Заңғар Нұрланұлы сенсация жасады

17 жастағы теннисші Заңғар Нұрланұлы жасөспірімдер арасында АҚШ ашық чемпионатында екінші жеңісіне жетті, деп хабарлады Қазақстан теннис федерациясы.

Ол екінші айналымда әлемнің жасөспірімдер арасында 13-ракеткасы, Польша өкілі, 18 жастағы Алан Важнымен ойнады.

Алан Важны ересектер арасында ATP рейтингінде 1750-сатыда тұр. Ал Заңғар Нұрланұлы ITF Juniors рейтингісінде 54-орынға орналасқан.

Соған қарамастан, отандасымыз азулы қарсыласын 6:4, 6:4 есебімен жеңді.

Бұл матч бір жаром сағаттан астам уақытқа созылды.

Енді Заңғар Нұрланұлы ширек финалға шығу үшін ITF Juniors рейтингінде 8-орында тұрған Финляндия өкілі Оскари Полданиуспен ойнайды.