SportPress.kz قازاقستان سپورت جاڭالىقتارى
17 جاستاعى تەننيسشى زاڭعار نۇرلان ۇلى جاسوسپىرىمدەر اراسىندا اقش اشىق چەمپيوناتىندا ەكىنشى جەڭىسىنە جەتتى، دەپ حابارلادى قازاقستان تەننيس فەدەراتسياسى.
ول ەكىنشى اينالىمدا الەمنىڭ جاسوسپىرىمدەر اراسىندا 13-راكەتكاسى، پولشا وكىلى، 18 جاستاعى الان ۆاجنىمەن وينادى.
الان ۆاجنى ەرەسەكتەر اراسىندا ATP رەيتينگىندە 1750-ساتىدا تۇر. ال زاڭعار نۇرلان ۇلى ITF Juniors رەيتينگىسىندە 54-ورىنعا ورنالاسقان.
سوعان قاراماستان، وتانداسىمىز ازۋلى قارسىلاسىن 6:4، 6:4 ەسەبىمەن جەڭدى.
بۇل ماتچ ءبىر جاروم ساعاتتان استام ۋاقىتقا سوزىلدى.
ەندى زاڭعار نۇرلان ۇلى شيرەك فينالعا شىعۋ ءۇشىن ITF Juniors رەيتينگىندە 8-ورىندا تۇرعان فينليانديا وكىلى وسكاري پولدانيۋسپەن وينايدى.
