SportPress.kz Qazaqstan sport jańalyqtary
Búgin Astanadaǵy «Astana Arena» stadıonynda fýtboldan 2026 jyly ótetin álem chempıonatynyń irikteý týrnırine qatysyp jatqan Qazaqstan men Ýels ulttyq qurama komandalarynyń matchy aldynda BAQ ókilderine arnalǵan baspasóz máslıhaty boldy.
Osy jıynda ulttyq quramanyń bas jattyqtyrýshysy Álı Álıev pen komandanyń qorǵaýshysy Nuráli Álip jýrnalısterdiń erteńgi oıynǵa qatysty suraqtaryna jaýap berdi. Áýeli bas bapker ulttyq quramanyń matchqa daıyndyǵy týraly aıtty. Ol oıyn aldynda fýtbolshylardyń oınaıtyn klýbtaryna baryp, olardyń jaǵdaıyn baqylap qaıtqanyn, komandaǵa irikteý kezinde oıynshylardyń daıyndyǵyna basa nazar aýdarǵanyn atap ótti. Sonymen birge ol quramaǵa naǵyz kerek adamdardyń jaraqaty bar ekenin jasyrmady.
— О́kinishke qaraı, Bahtıor Zaınýtdınov jaraqat alyp qaldy. Ol Ýelspen matchqa kerek edi. Bahtıor kerek bolsa, qazir de oınaǵysy kelip tur. Biraq dárigerler oǵan ruqsat bermeı jatyr. Erkin Tapalov shemirsheginen jaraqat alyp, oıynǵa qatysa almaıdy. Islam Chesnokovtyń da problemasy shyqty. Solaı desek te basqa oıynshylarymyz aldaǵy oıyndarǵa jaqsy daıyndyqpen kelip otyr. Sol úshin men klýb basshylyǵy men jattyqtyrýshylarǵa alǵysymdy aıtamyn, — dedi ol.
Kezdesýde komandanyń daıyndyǵyna qatysty basqa da suraqtar boldy. Olarǵa bas jattyqtyrýshy men oıynshy naqty jaýap berdi. Al sodan keıin jýrnalıst Dastan Kenjalınniń komandanyń oıynyna qatysty bir suraǵyna ulttyq quramanyń qorǵaýshysy laıyqty jaýap bere almady desek bolady.
— Stadıonnan, televızordan qarap otyrsaq ulttyq qurama komandanyń, klýbtardyń bir kemshiligi oıynshylar bir-birine pasty durys bere almaıdy. Sonyń kesirinen kóp jaǵdaıda qaqpaǵa gol soǵylyp jatady. Alańda oınap júrgende sizderge 5 metr bolsyn, 10 metr bolsyn dál pas berýge ne jetpeıdi?! Mandraj bola ma?! Mysaly, Ashattyń (Taǵybergen) kesirinen bizdiń qaqpaǵa gol soǵyldy. Sondaı mınýstar bar. Osy mınýstarmen qalaı jumys isteısizder? Osyndaı jaǵdaı qaıtalanbaýy úshin sizderge ne isteý kerek?, — degen suraǵyna, fýtbolshy laıyqty jaýap bere almady.
-Ár adamda, tek ol bizde ǵana emes, úlken chempıonatty qarasańyz keshe «Qaırattyń qaqpasyna birge bir kele jatyp, qaqpadan qısyq tepti. «Seltıktiń» oıynshylary deıtin 100 mıllıonnan asyp jatyr mysalǵa. Sonyń ózinde de qatelikter isteıdi. Penaltı serııasynda mysaly, Temirlannyń arqasynda basqa oıynshy bolsa salý múmkin edi. Biraq sol jerde Temirlan jaqsy pozıııa taýyp, qaıtardy. Kez kelgen adamda jumystan da mamandyqtan da qatelikter bolady. Sońǵy matchta Ashattyń pasyna meniń aıaǵym tımeı qaldy. 10 sekýndtan keıin gol kirip ketti, — dep jaýap berdi.
Bul jaýapqa jýrnalıst qanaǵattanbaǵan sııaqty. О́ıtkeni, másele «Seltıktiń» oıynshysynyń «Qaırattyń» qaqpashysymen birge bir shyqqanda gol sala almaýy, Temirlan Anarbekovtiń penaltılerdi qaıtarǵany jaıynda emes, fýtboldan Qazaqstan ulttyq qurama komandasyna laıyq dep tanylǵan, júzdegen demesek te ondaǵan fýtbolshynyń arasynan iriktelip alynǵan adamdardyń alańda bir-birine durys pas bere almaıtynynda, oıynshylardyń sońǵy mınýttarda qatelesip, qarsylasqa pas bere salatynynda edi.
Qazir áleýmettik jelide jýrnalıst pen fýtbolshy túsirilgen vıdeo «Qarapaıym bolǵanymen qıyn suraq eken» degen maǵynada keń taralyp, jankúıerler arasynda qyzý pikir talasqa ulasyp jatyr. Tık-tok, Instagram áleýmettik jelisine shyqqan vıdeoǵa qaraǵanda fýtbolshynyń suraqqa naqty jaýap bermegeni kórinip tur. Endi qalaı desekte erteńgi match bárin kórsetedi. Qazaqstan ulttyq quramasy Ýels komandasyna qarsy oıynda myńdaǵan jankúıer aldynda ózderin jaqsy qyrynan kórsetedi degen senimdemiz!
Rústem JUMAN,
Foto: Vıktor FEDIýNIN
ASTANA
