Ýsman Dembele men Aıtana Bonmatı — «Altyn dop» syılyǵynyń ıegerleri!

Fýtboldan Franııa ulttyq quramasy men «Parı Sen-Jermen» klýbynyń shabýylshysy Ýsman Dembele,  al áıelder arasynda Ispanııanyń «Barselona» komandasynyń jartylaı qorǵaýshysy Aıtana Bonmatı úshinshi jyl qatarynan «Altyn dop» syılyǵynyń ıegeri atandy.

Bul marapat bıyl tórtinshi ret jyl qorytyndysyna baılanysty emes, fýtbol maýsymynyń nátıjesi boıynsha berildi. Onda 2024 jyldyń 1 tamyzy men 2025 jyldyń 25 shildesi aralyǵyndaǵy fýtbolshylardyń kórsetkishi esepke alyndy.

Oǵan sport jýrnalısteri daýys berdi. Olar 10 fýtbolshyny tańdady. Eń kóp upaı jınaǵan oıynshy «Altyn dop» syılyǵynyń ıegeri boldy. Bıylǵy ataqqa Djýd Bellıngem, Vırdjıl van Deık, Vınısıýs Jýnıor, Florıan Vır men Vıtınıa usynyldy.

Bıyl «Altyn dop» syılyǵyn tabys etý rásimi 68-shi ret ótkizildi. Ol 1956 jyldan beri France Football jýrnalynyń qoldaýymen turaqty túrde uıymdastyrylyp keledi.

Ereje oıynsha erler men áıelder arasynda «Altyn dop» ıegeri anyqtalyp, 21 jasqa deıingi fýtbolshylar arasynda «Kopa trofeıi», úzdik qaqpashyǵa «Iashın trofeıi» berildi. Sondaı-aq úzdik erler jáne áıelder komandalary anyqtaldy. Al ótken maýsymdaǵy úzdik surmergenge Gerd Mıýller trofeıi tabys etildi.

Byltyr olardyń qataryna taǵy eki jańa marapat qosyldy. Endi erler jáne áıelder komandalary arasynda úzdik jattyqtyrýshylardyń esimi belgili boldy.

Kopa trofeıi: Lamın Iamal («Barselona», Ispanııa quramasy).

Iashın trofeıi (erler) — Djanlýıdjı Donnarýmma (Italııa, «Manchester Sıtı»), (áıelder) — Hanna Hempton (Anglııa, «Chelsı»)

Úzdik klýb (erler) – «Parı Sen-Jermen» (Franııa).

Úzdik klýb (áıelder) – «Arsenal» (Anglııa).

Úzdik jattyqtyrýshy (erler) – Lýıs Enrıke («Parı Sen-Jermen», Franııa)

Úzdik jattyqtyrýshy (áıelder) – Sarına Vıgman (Anglııa quramasy)

Byltyr Anglııanyń «Manchester Sıtı» klýbynda oınaıtyn Ispanııa ulttyq qurama komandasynyń shabýylshy Rodrı (Rodrıgo Ernandes) 2024 jylǵy «Altyn dop» ıegeri boldy.

Dastan KENJALIN,

ASTANA

Foto: www.rfi.fr