SportPress.kz Qazaqstan sport jańalyqtary
4 qazanda Qyzylordada jańadan salynǵan stadıonda fýtboldan Qazaqstan kýbogynyń fınaldyq matchy bolady. Osy kúni Shymkenttiń «Ordabasy» men Qostanaıdyń «Tobyl» klýbtary jańa alańǵa shyǵady, dep habarlady Qazaqstan fýtbol federaııasy.
Eki klýb ta óz tarıhynda eki retten Qazaqstan kýbogyn ıelengen. Buǵan deıin de olar fınalda úsh márte jolyqqan. 2007 jáne 2023 jyldary jeńisti «Tobyl» toılasa, 2011 jyly kýbok «Ordabasynyń» enshisine buıyrdy.
2025 jylǵy kýbokta komandalar oıyndaryn 1/8 fınaldan bastaǵan. «Ordabasy» «Han-Táńiri», «Qaırat» pen «Qyzyljardy» jarys jolynan shyǵardy. Al «Tobyl» bolsa, «Jetisý», «Turan» men «Jeńis» komandalaryn jeńdi.
Fınalda jeńiske jetken klýb bedeldi trofeıge ǵana ıe bolmaıdy. Sonymen qatar 2026/27 maýsymyndaǵy ÝEFA Konferenııalar lıgasynyń ekinshi irikteý kezeńinen bastap qatysý quqyǵyn alady. Eger «Tobyl» chempıonattaǵy alǵashqy úshtikke kirýdi is júzinde qamtamasyz etip úlgerse, «Ordabasy» úshin bul halyqaralyq arenaǵa shyǵýdyń jalǵyz múmkindigi bolyp tur.
Bul match týrnırlik mańyzdan bólek, eki túrli jattyqtyrýshylyq mekteptiń tartysy retinde de qyzyq. «Ordabasyny» moldovalyq maman Andreı Martın jattyqtyrsa, «Tobyldyń» tizgini Qazaqstan quramasynyń burynǵy oıynshysy, Qostanaı fýtbolynyń ańyzy Nurbol Jumasqalıevtiń qolynda.
Kásibı klýbtar arasyndaǵy jarystardy ótkizý dırekııasynyń basshysy Baqytjan Pazylhaıyrdyń aıtýynsha, prezıdent Qasym-Jomart Toqaevtyń tapsyrmasymen elde jańa stadıondar salý jáne qoldanystaǵylaryn jańǵyrtý boıynsha aýqymdy jumys júrgizilýde. Sol jobalardyń biri – Qyzylordadaǵy «Qaısar Arena». 2025 jylǵy Qazaqstan kýbogynyń fınaly osy zamanaýı arenadaǵy alǵashqy resmı match bolady. Bul – maýsymdaǵy eń basty oqıǵanyń biri. Qostanaılyq klýb chempıondyq úshin talasyp jatsa, shymkenttikter Premer-lıgadaǵy ornyn kúsheıtýge tyrysýda. Kórermender jaqsy oıyndy tamashalaıdy dep senemin. Ásirese, qyzylordalyq jankúıerler úshin bul kezdesýdiń erekshe máni bar. Sebebi jańa alańda óz jerlesi Ashat Taǵybergen óner kórsetedi.
Qyzylorda qalasynda 11 myń oryndyq jańa stadıon boı kóterdi. Sport nysany ÝEFA talaptaryna saı, materıaldyq-tehnıkalyq bazasy sońǵy úlgidegi zamanaýı quraldarmen jabdyqtalǵan.
-Prezıdentimiz Ulttyq quryltaıdyń tórtinshi otyrysynda Týrızm jáne sport mınıstrligine Fýtbol federaııasymen, óńir ákimderimen birlesip jáne bıznesti tartyp, klýbtyq fýtboldy kommerııalandyrý týraly tapsyrma bergen bolatyn. Qazirgi tańda bul baǵytta tıisti jumystar júrgizilýde. Aldaǵy ýaqytta sportty qoldaýdaǵy ıgi bastamalar, aýqymdy jobalar jalǵasyn tabady, – dedi Qyzylorda oblysynyń ákimi Nurlybek Nálibaev.
Jańa stadıonda olımpıadalyq sport túrlerine arnalǵan boks, gımnastıka, kúres, taekvondo, aýyr atletıka zaldary bar. Nysan qazan aıynda el ıgiligine tabystalady.
Budan bólek, 20 mlrd. 500 mln. teńgege «Qyzylorda Arena» kópbeıindi sport kesheni salynýda. Keshende olımpıadalyq sport túrlerine arnalǵan jattyǵý zaldary, júzý basseıni, halyqaralyq jarystardy ótkizýge arnalǵan 2500 oryndyq zal qarastyrylǵan.
