Sportshylar 2028 jylǵy Olımpıadaǵa daıyndalý maqsatynda HOK stıpendııasyna ıe boldy

Elimizdiń Halyqaralyq Olımpıada komıtetiniń (HOK) 2028 jyly Los-Andjeleste (AQSh) ótetin Olımpıada oıyndaryna daıyndalý maqsatynda jekeleı stıpendııasyn alǵan sportshylardyń esimi belgili boldy, dep habarlady Ulttyq Olımpııalyq komıtet.

Bul bastamany Qazaqstan Ulttyq Olımpııalyq komıteti kóterip, ulttyq federaııalarmen jáne HOK-men birlese jumys júrgizdi. Sondaı-aq barlyq qajetti qujattardy rásimdeýdi qamtamasyz etti.

Baǵdarlamanyń maqsaty — sportshylardy tórtjyldyqtyń basty dodasyna irikteý kezeńinde jáne daıyndyq barysynda qoldaý. Usynylǵan kandıdattar ulttyq federaııalar arqyly iriktelip, genderlik teńdik saqtaldy. Ár sport túrinen bir er jáne bir áıel sportshy usynyldy. Sonymen qatar múmkindiginshe kóbirek sport túrin qamtýǵa mán berildi, osylaısha ártúrli baǵyttaǵy atletterge qoldaý kórsetildi.

Stıpendııa Los-Andjeles Olımpıadasynyń baǵdarlamasyna engen jekeleı sport túrlerinde óner kórsetetin sportshylarǵa beriledi. Mindetti talaptar: irikteýden ótýge jáne  joǵary oryndarǵa úmitker bolýǵa múmkindik beretin nátıjeler, sondaı-aq dopıngke qarsy erejelerdi buzbaý jáne Olımpıadalyq hartııaǵa qaıshy keletin sankııalardyń bolmaýy.

Qarjy oqý-jattyǵý jıyndaryna, jekeleı daıyndyqtarǵa, bapkerler men mamandardyń eńbekaqysyn tóleýge, medıınalyq jáne ǵylymı qoldaýǵa, saqtandyrýǵa, sondaı-aq turý men tamaqtanýǵa jumsalady. Qarajattyń maqsatty jumsalýy turaqty eseppen qadaǵalanady.

Qazaqstannan baǵdarlamaǵa engen sportshylar tizimi:

— Aıda Ábikeeva (boks)

— Saǵyndyq Toǵambaı (boks)

— Ǵusman Qyrǵyzbaev (dzıýdo)

— Ábıba Ábýjaqynova (dzıýdo)

— Mılad Karımı (sporttyq gımnastıka)

— Rýslan Kýrbanov (semserlesý)

— Ishar Kýrbaev (grek-rım kúresi)

— Rızabek Aıtmuhan (erkin kúres)

— Zeınep Baıanova (áıelder kúresi)

— Marııa Brovkova (baıdarka men kanoede esý)

— Aleksandra Le (nysana kózdeý, pnevmatıkalyq qarý)

— Islam Sátpaev (nysana kózdeý, pnevmatıkalyq qarý)

— Ámir Maımuratov (sporttyq quzǵa órmeleý)

— Batyrhan Tóleýǵalı (taekvondo)

— Alan Qurmanǵalıev (ústel tennısi)

— Elızaveta Matveeva (jeńil atletıka)

— Ásem Orynbaı (stend atý)

— Sergeı Petrovıch (aýyr atletıka)

— Araı Nurlybekova (aýyr atletıka)

— Danıl Mýsabaev (batýttaǵy gımnastıka).

Qazaqstan sportshylarynyń bul baǵdarlamaǵa enýi olardyń Olımpıada-2028 oıyndaryna júıeli ári sapaly daıyndyq júrgizýine qosymsha múmkindik beredi.