SportPress.kz قازاقستان سپورت جاڭالىقتارى
الماتى قالاسىنىڭ اكىمى دارحان ساتىبالدى بوكستان جانە كۇرەس تۇرلەرىنەن الەم چەمپيوناتتارىنا قاتىسىپ، قۇرمەت تۇعىرىنىڭ بيىك ساتىسىنان كورىنگەن سپورتشىلاردى ماراپاتتادى.
ول اۋەلى ۇلتتىق قۇرامانىڭ وكىلدەرىن قۇتتىقتاپ، العىس حات پەن قارجىلاي سەرتيفيكاتتار تابىس ەتتى.
سودان كەيىن الماتىنىڭ اكىمى بوكستان الەم چەمپيونى الۋا بالقىبەكوۆاعا 40 ملن تەڭگە، كۇمىس جۇلدەگەر نازىم قىزايبايعا 30 ملن تەڭگە، قولا مەداليستەر ەلدانا تاليپوۆا مەن ۆيكتوريا گرافەەۆانىڭ ارقايسىنا 20 ملن تەڭگەدەن بەردى. ولار ۇلىبريتانيانىڭ ليۆەرپۋل قالاسىندا جالاۋى جەلبىرەگەن الەم چەمپيوناتىندا قۇرمەت تۇعىرىنان كورىنگەن ەدى.
سونداي-اق حورۆاتيانىڭ زاگرەب قالاسىندا كۇرەس تۇرلەرىنەن وتكەن الەم چەمپيوناتىندا قولا جۇلدەگەر اتانعان نۇرقوجا قايپانوۆقا 20 ملن تەڭگە بەرىلدى.
انگلياداعى الەم چەمپيوناتىنىڭ قورىتىندىسى بويىنشا قازاقستان قۇراماسى جالپىكوماندالىق ەسەپتە ءبىرىنشى ورىندى يەلەندى. سپورتشىلار بارلىعى 10 مەدال جەڭىپ الدى. وندا بىلعارى قولعاپ شەبەرلەرى 7 التىن، 1 كۇمىس جانە 2 قولا جۇلدەگە يە بولدى. ۇلتتىق قۇراما ساپىندا كۇش سىناسقان الماتىنىڭ 4 بوكسشىسى ەلگە جۇلدەمەن ورالدى.
داستان كەنجالين،
استانا
