SportPress.kz قازاقستان سپورت جاڭالىقتارى
تەننيسشى زاڭعار نۇرلان ۇلى كورەيانىڭ چحۋنچحون قالاسىندا وتكەن ITF Juniors J200 ساناتىنداعى ءتۋرنيردىڭ جەڭىمپازى اتاندى، دەپ حابارلادى قازاقستان تەننيس فەدەراتسياسى.
جارىستا ول ءبىرىنشى ءنومىرلى سپورتشى رەتىندە تىركەلدى. فينالدا زاڭعار نۇرلان ۇلى كورەيالىق مين حۋك چونى 6:3، 6:4 ەسەبىمەن جەڭدى. تۋرنير وتانداسىمىز قارسىلاستارىنا بىردە-ءبىر سەت بەرگەن جوق.
بۇل جەڭىس زاڭعار نۇرلان ۇلىنىڭ ITF Juniors اياسىنداعى جەكەلەي سىنداعى التىنشى تيتۋلى بولدى. بۇعان دەيىن ول J100 Aizkraukle، J200 Shymkent، J100 Izmir، J30 Tsaghadzor، J30 Trnava تۋرنيرلەردە توپ جارعان بولاتىن.
كەلەسى اپتادا زاڭعار كورەيانىڭ ۆوندجۋ قالاسىندا وتەتىن ITF Juniors J300 تۋرنيرىندە باق سىنايدى. بۇل دودا 18 جاسقا دەيىنگى ويىنشىلار اراسىنداعى بەيرەسمي ازيا چەمپيوناتى سانالادى.
قازىر تەننيسشى الەمدىك رەيتينگىندە 25-ورىندا كەلەدى.
