Jasóspirimderdiń densaýlyǵy — basty nazarda

BUU Balalar qorynyń (IýNISEF) Qazaqstandaǵy ókildigi Almatyda alǵashqy «Sheksiz armandar» atty qaıyrymdylyq UNICEF Gala keshiniń baǵdarlamasy men tujyrymdamasyn resmı túrde tanystyrdy.

Aldaǵy ýaqytta ótetin bul kesh jasóspirimderdiń mentaldy (psıhıkalyq) densaýlyǵyn nyǵaıtýǵa arnalǵan ulttyq baǵdarlamany qarjylandyrý úshin bıznes, mádenıet jáne medıa kóshbasshylarynyń basyn qosady.

Keshtiń negizgi maqsaty — jasóspirimderdi qoldaýdyń keshendi júıesiniń aýqymyn keńeıtýdi qamtamasyz etý: tolyq iske qosylǵan kezde baǵdarlama 50 500 mamandy oqytyp, búkil el boıynsha 140 000 jasóspirimdi qamtýǵa eseptelgen; kúrdeli qajettilikteri bar 10 000-ǵa deıingi jasóspirim jedel mamandandyrylǵan qoldaý alady.

Gala-format óz tıimdiligin dáleldedi. Byltyr Astanada ótken IýNISEF-tiń qaıyrymdylyq keshinde 92 mln teńgeden astam qarajat jınaldy. Bul qarajat ıfrlyq ınklıýzııa baǵdarlamasyna baǵyttalyp, naqty jabdyqtardy jetkizýge jáne mamandardy oqytýǵa jumsaldy. Osy qarajatqa IýNISEF Aqmola, Qaraǵandy, Shyǵys Qazaqstan jáne Jambyl oblystaryndaǵy mektepterge planshetter, noýtbýkter, beıimdelgish fýnkııalary bar smartfondar, Braıl dıspleıleri, arnaıy pernetaqtalar, balamaly kommýnıkaııa qosymshalaryna lıenzııalar jáne basqa da qurylǵylar jetkizdi, sondaı-aq myńnan astam pedagog pen assıstentti daıarlaýdan ótkizdi.

2025 jyly Gala-keshtiń negizgi nazarynda mentaldy densaýlyqty qoldaýdyń júıeli baǵdarlamasy boldy. Bul baǵdarlama mektepterde erte anyqtaý men áleýmettik-emoıonaldyq daǵdylarǵa úıretýden bastap, psıhologııalyq qıyndyqtarǵa tap bolǵan jasóspirimderge arnalǵan óńirlerdegi jeke jáne toptyq terapııa sessııalaryna deıingi sharalardy qamtıdy. IýNISEF muny eldiń adamı kapıtalyna salynǵan uzaq merzimdi ınvestıııa retinde qarastyrady: jasóspirimderdiń densaýlyǵyna qamqorlyq jasaý jáne aldyn alý sharalary bilim berý, densaýlyq saqtaý jáne áleýmettik turaqtylyq kórsetkishterine tikeleı áser etedi.

Almatyda ótken tusaýkeserde uıymdastyrýshylar keshtiń baǵdarlamasyn, aýkıon formatyn jáne mádenı bóligin tanystyrdy. Bıyl Gala-keshke óńirdegi eń tanymal stendap-komıkterdiń biri, halyqaralyq festıvalderdiń qatysýshysy Nurlan Sabýrov jáne jýrnalıst, qoǵam qaıratkeri ári fashion-kásipker Dınara Sátjan qaıtadan tegin negizde qoldaý kórsetedi.

Keshtiń mýzykalyq hedlaıneri – ulttyq saryn men zamanaýı úndi úılestirgen hıtterdiń avtory, jańa qazaqstandyq sahnanyń eń jarqyn ártisteriniń biri ALEM bolady. Sonymen qatar, biregeı vokaldyq tembriniń ıesi, ánshi jáne halyqaralyq baıqaýlardyń laýreaty Aleksandr Lım arnaıy óner kórsetedi.

Uıymdastyrýshylar mádenı baǵdarlama munymen shektelmeıtinin atap ótti: basqa da juldyzdy qonaqtar kútilýde, biraq tosynsyı retinde olardyń esimderi ázirge qupııa saqtalady.

IýNISEF pen The Ritz-Carlton, Almaty arasyndaǵy seriktestik týraly kelisim erekshe atap ótildi: taraptar yntymaqtastyq týraly memorandýmǵa qol qoıyp, qonaqúıdiń bastamany qabyldaýshy tarap jáne resmı seriktes retindegi qoldaýyn bekitti. Rastalǵan seriktester men qatysýshylardyń qatarynda Nurlan Smaǵulov qory, Baýyrjan Sagıev, sondaı-aq qaıyrymdylyq aýkıonyna lottar usynýǵa daıyn qoǵam qaıratkerleri bar.

-Almaty búgin IýNISEF-tiń gala-keshterin ótkizýdiń jahandyq dástúrine resmı túrde qosylyp otyr. Bul — qaýymdastyqtyń qoldaýǵa muqtaj jandar úshin bas qosatyn «jylý jınaý» dástúriniń zamanaýı kórinisi. Bizdiń maqsatymyz — eshbir balanyń nemese jasóspirimniń armany jalǵyzdyq pen qoldaýdyń joqtyǵynan úzilmeýi, – dep málimdedi IýNISEF-tiń Qazaqstandaǵy ókili d-r Rashed Mýstafa.

Saltanat QAJYKEN,

ALMATY