تالاس ءاشىرحانوۆ — بولاشاق وليمپيادا ءۇمىتى

تالاس ءاشءىرحانوۆ — سارىسۋ اۋدانى، جاڭاتاس قالاسىنىڭ تۋماسى. 2001 جىلى دۇنيەگە كەلگەن جاس سپورتشى گرەك-ريم كۇرەسىمەن 10 جاسىنان بەرى اينالىسىپ كەلەدى.

2025 جىلى 77 كگ سالماق دارەجەسىندە ەرەسەكتەر اراسىندا قازاقستان كۋبوگىنىڭ يەگەرى اتانىپ، ەل سپورتىنىڭ ءۇمىتىن اقتاعان بالۋان.

وسى جىلى گەرمانيانىڭ دورتمۋند قالاسىندا وتكەن حالىقارالىق ىرىكتەۋ تۋرنيرىندە جارتىلاي فينالعا دەيىن جەتىپ، نەمىس بالۋانى روبەرت فريتسكە ۇپاي سانىمەن ەسە جىبەرىپ، بەسىنشى ورىندى يەلەندى. وكىنىشكە قاراي، بۇل جەڭىلىس وعان حورۆاتيانىڭ زاگرەب قالاسىندا وتەتىن الەم چەمپيوناتىنا جولداما اكەلمەدى.

دەگەنمەن تالاس بۇل ساتسىزدىكتەن ساباق الىپ، 2025 جىلدىڭ جەلتوقسان ايىندا وتەتىن قازاقستان بىرىنشىلىگىندە توپ جارىپ، ەل قۇراماسىنا قايتا ىلىگۋدى جانە الەم چەمپيوناتىنا جولداما الۋدى باستى ماقسات ەتىپ وتىر.

بۇعان دەيىن ول ەرەسەكتەر اراسىنداعى ەل بىرىنشىلىكتەرىندە 2 جانە 3-ورىندى يەلەنىپ، ءوزىنىڭ تۇراقتى ناتيجەسىن كورسەتىپ جۇرگەن تاجىريبەلى سپورتشى. سونداي-اق حالىقارالىق تۋرنيرلەردە دە جۇلدەلى ورىنداردان كورىنىپ كەلەدى.

قازىرگى تاڭدا قازاقستان رەسپۋبليكاسىنىڭ سپورت شەبەرى اتاعىنا يە.

جەكە باپكەرى  رينات يسمايلوۆ — تالاستى بالا كەزىنەن باۋلىپ كەلە جاتقان تاجىريبەلى جاتتىقتىرۋشى. ونىڭ ەڭبەگى مەن شاكىرتكە دەگەن سەنىمى بۇگىندە ناقتى ناتيجەسىن بەرىپ وتىر.

بۇگىندە تالاس ءاشىرحانوۆ 2028 جىلى لوس-اندجەلەستە وتەتىن وليمپيادا ويىندارىنا دايىندىقتى باستاپ كەتكەن.

ونىڭ باستى ارمانى — جاقسىلىق ۇشكەمپىروۆتان كەيىنگى قازاققا وليمپيادانىڭ التىن مەدالىن سىيلاۋ.

جىگەرى مەن نامىسى ءبىر بويىنا سىڭگەن جاس سپورتشىنىڭ بۇل ماقساتىنا جەتەتىنىنە بارشا جانكۇيەر سەنەدى.

نۇرشاحريزادا ساليموۆا،

تاراز