• Қазақ
  •   
  • Qazaq
  •   
  • قازاق
  •   
  • Рус
  •   

    «Almaty Resort» shıpajaıynda alma festıvali ótti

    Prezıdent Is Basqarmasy Medıınalyq ortalyǵynyń «Almaty Resort» shıpajaıynda Halyqaralyq alma kúnine oraı «Alma festıvali» ótti.

    Kúzgi maýsymnyń jarqyn oqıǵasyna aınalǵan bul shara myńnan astam qonaqtyń basyn qosyp, salaýatty ómir saltyn jáne Almatynyń ıgi dástúrlerin beıneleıtin merekege aınaldy. Qala turǵyndary men qonaqtary úshin konertter, sheberlik saǵattary, baıqaýlar, kórmeler men dám tatýlardy qamtıtyn mazmundy baǵdarlama usynyldy.

    Sahnada balalar men eresekterdiń shyǵarmashylyq ujymdary, halyq mýzykasy ansamblderi jáne bı toptary óner kórsetti. Qonaqtar qolóner buıymdarynyń jármeńkesin aralap, arnaıy fotozonalarda sýretke túsip, almadan daıyndalǵan taǵamdardan dám tatty.

    Keshtiń basty kórinisteriniń biri – qalanyń sımvoly sanalatyn almadan jasalǵan ınstallıaııa boldy. Mereke sońynda qonaqtarǵa bir tonnadan astam hosh ıisti, pisken alma taratyldy.

    -«Almaty Resort»-ta alma festıvali úshinshi jyl qatarynan ótip keledi jáne jyl saıyn aýqymy keńeıip otyr. Biz Halyqaralyq alma kúnin atap qana qoımaı, adamdarǵa qýanysh syılap, dástúrlerimizdi nyǵaıtýdy ári salaýatty ómir saltynyń mańyzdylyǵyn eske salýdy maqsat etemiz», — dedi Almaty Resort dırektory Gúljanat Býgýbaeva.

    «Almaty Resort»-ta alma festıvali 2023 jyldan beri jyl saıyn ótkizilip keledi. Sharanyń maqsaty — otbasylyq jáne mádenı qundylyqtardy nyǵaıtý, durys tamaqtanýdy nasıhattaý jáne almanyń otany sanalatyn óńirdiń tabıǵı murasyn saqtaý.

     

    Saltanat QAJYKEN,

    ALMATY

     

     

    Pikir jazý

    Your email address will not be published. Required fields are marked *

    *