قارت قۇرلىقتا قازاق كۇرەسىنەن ەۋرازيا كۋبوگى ءتۋرنيرى وتەدى

22-23 جەلتوقساندا نيدەرلاندىدا قازاق كۇرەسىنەن دۇنيەجۇزىلىك قازاق كۇرەسى فەدەراتسياسى مەن بىرىككەن كۇرەس الەمىنىڭ  (UUW) ۇيىمداستىرۋىمەن ەۋرازيا كۋبوگى ءۇشىن جارىس جالاۋىن جەلبىرەتەدى.

وعان ەۋرازيانىڭ ەڭ مىقتى 10 ەلىنىڭ، اتاپ ايتقاندا، قازاقستان، بەلگيا، گەرمانيا، گوللانديا، گرۋزيا، بەلارۋس، موڭعوليا، وزبەكستان، قىرعىزستان مەن  تاجىكستاننىڭ پالۋاندارى قاتىسادى. ايتۋلى جەكپە-جەكتىڭ جۇلدەلى قورى تەڭگەمەن ەسەپتەگەندە – 20 ملن تەڭگە. سوندىقتان دا بۇل باسەكەنىڭ تارتىستى وتەتىندىگىندە داۋ تۋماس. جارىس باعدارلاماسى بويىنشا الدىمەن قازاق كۇرەسىنىڭ تاريحى مەن ەرەجەسى تۋرالى سەمينار كەڭەس وتەدى. وعان جاتتىقتىرۋشىلار قاتىسادى.

دۇنيەجۇزىلىك قازاق كۇرەسى فەدەراتسياسىنىڭ 19 جىلدان بەرى جەر-جۇزىنە ۇلتتىق كۇرەسىمىزدى ناسيحاتتاپ، تانىتىپ كەلە جاتقانىن بىلەمىز. ايتۋلى قاۋىمداستىقتىڭ پرەزيدەنتى، بىلگىر باسشى يسلام الماقان ۇلى ابىشەۆپەن بىرگە وسى  قاۋىمداستىقتا كوپ جىلدان بەرى ولشەۋسىز ەڭبەك ءسىڭىرىپ كەلە جاتقان ۇيىمنىڭ ءبىرىنشى ۆيتسە-پرەزيدەنتى سەرىك ادام ۇلى تۇكەەۆتەردىڭ  العا قويىپ وتىرعان باستى ماقساتى سول، ۇلتتىق كۇرەسىمىزدى الەمنىڭ 5 قۇرىلىعىنا قولدان كەلگەنشە دارىپتەپ، ناسيحاتتاي وتىرىپ، وليمپيادا بەلەسىنە الىپ شىعۋ. ەندەشە، قازاق كۇرەسىن كارى قۇرىلىقتاعى دامىعان مەملەكەتتىڭ ءبىرى گوللانديا جەرىندە جەكپە-جەك ۇيىمداستىرىپ، ءتول كۇرەسىمىزدىڭ ەرەكشەلەگىن كورسەتۋدىڭ جولى ءتۇسىپ وتىر ەكەن. سونىمەن، قازاق كۇرەسىنەن قىزعالداقتىلار ەلىندە وتەتىن الامان جەكپە-جەكتەردەن تىڭ اقپاراتتاردى  الداعى ۋاقىتتا نازارلارىڭىزعا ۇسىناتىن بولامىز.

اقىن ورداباي ۇلى،

الماتى