Azııa chempıonaty: Qazaqstanǵa qazaq kúresinen qarsylastar kóbeıip jatyr

Búgin Túrkistan qalasynda qazaq kúresinen eresekter arasynda ótken Azııa chempıonaty aıaqtaldy.

Qazaq Kuresi assoıaııasy, Túrkistan oblystyq dene shynyqtyrý jáne sport basqarmasy men oblystyq qazaq kúresi federaııasynyń uıymdastyrýymen jalaýy kóterilgen saryqurlyq dodasynda Qazaqstan quramasy 16 salmaq dárejesinde 10 altyn, 4 kúmis jáne 4 qola medal alyp, jalpykomandalyq esepte birinshi oryndy ıelendi.

Búgin chempıonattyń ekinshi kúni de beldesýler asa tartysty jáne qyzyqty ótti.  Kúres saǵat 11.00-de bastalyp, kesh qaraıǵanǵa deıin boldy. Osy ýaqyt aralyǵynda 8 salmaqta fınaldyq beldesýler ótip, Olympic center sport keshenine jınalǵan jurtshylyqty erekshe kúıge bóldirip, tánti etti.  Rasyn aıtý kerek, buryn qazaq balýandarymen eshbir eldiń ókilderi ıyq teńestirip básekelese almaıtyn. Qarakózderimiz shyn qarsylas bolmaǵan soń, altyn júldeniń bárin sanap, arqalap áketetin. Al bul joly tipten basqasha boldy. О́zbek, qyrǵyz, tájik eliniń sporshylary tól kúresimizben shyndap aınalysa bastaǵanyn kórsetti.

Chempıonattyń birinshi kúni qyzdar arasynda 56 kg salmaqta О́zbekstannyń ókili Nozıgýl Holmırzaeva, 65 kelide taǵy bir ózbek sportshysy Mýslımahon Ahmedova altyn júldeni alsa, ekinshi kúni 52 kg salmaqta Sıtora Ilmýrodova, 70 kelide Sevıng Týrakýlova Azııa chempıony ataǵyn jeńip aldy. Bir qyzyǵy, olar fınalda otandastarymyzdan aılasyn asyryp ketti. Sıtora Ilmýrodova Saǵat balǵaraevany jeńse, Sevıng Týrakýlova Aqbota Qydıalıden basym tústi. Bir qyzyǵy deımiz-aý, eger qyzdar kúresi osylaı tartysty bolyp, jalǵasa berse, bolashaqta chempıondyq ataqty jeńip alatyn sportshyny aldyn ala boljaı almaıtyn ta shyǵarmyz. Buǵan árıne, qýaný kerek. Bul qazaq kúresine degen qyzyǵýshylyqtyń, básekelestiktiń artyn jatqanyn bilderedi.

60 keli salmaqta qyrǵyz qyzy Begaı Beıshanalıdiń baǵyn jandy. Ol ózbekstandyq Hýrshıda Týhlıevany jeńdi. Al úshinshi oryn otandasymyz Nazerke Asanhanǵa buıyrdy.

Búgin qyzdar arasynda bir altyn júldeni aldyq. 77 keliden asa salmaqta Araılym Shegenova О́zbekstannyń ókili Pokıjahon Kamoldınovadan myqtyraq boldy. Qola medaldi úndi sportshysy Isha Bhrat Patıl aldy. Aıtqandaı, chempıonattyń ekinshi kúni de Úndistannyń balýandary jaqsy nátıje kórsetti.

52 kelide Anjalı Anjalı úshinshi oryn alsa, 70 keli salmaqta qola júldeni onyń taǵy bir otandasy Mına Mına qola júldeni qanaǵat tutty.

Qyzdar kúresi osyndaı nátıjemen aıaqtaldy.

Erler arasynda tórt salmaqtyń úsheýinde qazaq balýandary ústemdik etti.

Nurtileý Qarakesekov (60 kg), Tilek Toqtasynov (74), Qaısar Shámshıdınov (+100 kg) óz salmaqtarynda Azııa chempıony atandy. Al 90 kg salmaqta Haknazar Nazarovtyń joly bolyp, ol altyn medaldi jeńip aldy. Bul slamaqtaǵy kúrestiń tartysty ótkenin aıtý kerek.  Tájik balýany fınalda Iran sporshysy Seıedmohammadreza Saeedımadanıdi jeńdi.  Qola medal qazaq balýany Aıdar Beskempir men ózbekstandyq Dostonbek Holmahmadovqa buıyrdy.

Jalpy aıtsaq, erler kúresinde ekinshi kúni Qazaqstan, Tájikstan, О́zbekstan, Iran men Qyrǵyzstannyń balýandary júldeniń bárin ózara bólip aldy.

Iran altyn júlde almasa da 2 kúmis, 1 qola medal, Tájikstan 1 altyn, 1 kúmis, 2 qola, Qyrǵyzstan 1 kúmis, О́zbekstan 2 qola júldeni ıelendi.

Osylaısha, Azııa chempıonatynyń  ekinshi kúni el quramasynyń qorjynyna 4 altyn, 2 kúmis, 2 qola medal túsip, jalpykomandalyq esepte 10 altyn, 4 kúmis jáne 2 qola medalmen 260 upaı jınady.

О́zbekstan (4 altyn, 2 kúmis, 2 qola, 250 upaı) ekinshi orynǵa, Qyrǵyzstan (1 altyn, 4 kúmis, 2 qola, 189 upaı) úshinshgi orynǵa shyqty.

Endi 30-31 qazan kúnderi Túrkistan qalasynda taǵy bir dúrmekti doda bolady. Osy jerde qazaq kúresinen álem kýbogy jalaý kóteredi.

Dastan KENJALIN,

TÚRKISTAN