SportPress.kz قازاقستان سپورت جاڭالىقتارى
«تەكتىدەن تەكتى تۋادى»، دەگەن ءتالسىم ءمان-ماعىناسىن جوعالتقان ەمەس. راسىمەندە تۇبىندە ايتەۋىر ۇرپاعىنىڭ بىرىندە اتا-بابا جولىن قايتالايتىن بىرەۋ دۇنيەگە كەلەرى انىق. مۇنى ءتىپتى عالىمدار دا دالەلدەيدى. ال ايتپاعىمىز قازاقتا ءدال وسىنداي ۇرپاق قۋالاپ كەلەتىن جاعدايلار كوپ كەزدەسەدى. مىسالى، الماتى وبلىسى نارىنقول اۋدانىندا مارقۇم نوعاي مۇسىربەكتى بىلمەيتىن جان جوق. ەلدەگى ەسكى كوزدەرمەن كەزدەسىپ، نوعاي تۋرالى سۇراي قالساڭ، ول كىسىنىڭ قانداي ەل دەپ تۋعان ەر ەكەنىن ساعىنا ەسكە الادى.
نوعاي تۋعان اۋىلىنىڭ جوتاسىنداعى تاۋعا قىستا شاڭعى سپورتىمەن اۋىل جاستارى مەن تۇرعىلىقتى حالىق اينالىسسىن دەپ اسپالى جول سالعان ادام. سپورت مەكەتىبىنىڭ ديرەكتورى بولىپ جۇرگەندە قانشاما شاكىرتتەر تاربيەلەپ، ەلگە اتى تانىلعان ۇستاز. ءتىپتى، ءوزىنىڭ تۋعان ۇلى تيمۋر ەركىن كۇرەستەن جاسوسپىرىمدەر اراسىندا الەم چەمپيوناتىنىڭ التىن جۇلدەسىن جەڭىپ السا، جان-جارى روزا اپايىمىز جۇگىرۋدەن قازاقستاننىڭ بىرنەشە دۇرگەن چەمپيونى اتانعان ەكەن. مىنە، وتباسىمەن ءوڭىر سپورتىنا ولشەۋسىز ۇلەس قوسقان جانداردىڭ نەمەرلەرى دە جەڭىستى جولدى جالعاستىرىپ كەلەدى ەكەن.
سەنبى كۇنى الماتى وبلىسى ىلە اۋدانى، وتەگەن كەنتىندەگى بالالار مەن جاسوسپىرىمدەر سپورت مەكتەبىندە ەلگە بەلگىلى ۇزدىك ۇستاز، كوپ جىلدار بويى مۇقاعالي ماقاتاەۆ اتىنداعى №13 ورتا مەكتەپتە ديرەكتور بولىپ قىزمەت ەتكەن مارقۇم عاليا نادىبەكقىزىن ەسكە الۋعا ارنالعان دزيۋدو كۇرەسىنەن جاسوسپىرىمدەر اراسىندا ءدۇبىرلى جارىس بولىپ ءوتتى.
بۇل جارىسقا جەتىسۋ وبلىسى مەن الماتى وبلىسىنىڭ كوپتەگەن اۋداندارىنان 150-گە تارتا جاس بالۋاندار كەلىپ قاتىستى. جارىستىڭ سالتاناتتى اشىلۋىنا بالالار مەن جاسوسپىرمدەر سپورت مەكتەبىنىڭ ديرەكتورى، قازاقستان رەسپۋبليكاسىنىڭ ەڭبەگى سىڭگەن جاتتىقتىرۋشى، ىلە اۋدانىنىڭ قۇرمەتتى ازاماتى قاپار راۋانوۆ، قازاقستان رەسپۋبليكاسىنىڭ ەڭبەگى سىڭگەن جاتتىقتىرۋشى، جارىستى ۇيىمداستىرۋشى تولەگەن سۇلتانوۆ، عاليا نادىربەكقىزىنىڭ تۋعان ۇلى مەن كوپتەگەن قۇرمەتتى ازاماتتار قاتىسىپ، بالاۋاندارعا تابىستى بەلدەسۋلەر تىلەدى.
اشىلۋى اياقتالعان سوڭ بالۋاندار جەكپە-جەگى قىزا جالعاستى. جوعارىدا ايتىپ وتكەنىمىزدەي نوعاي مۇسىربەكتىڭ تۋعان نەمەرەسى التىنايدىڭ كۇرەسىنە ءتانتى بولماعان جان جوق شىعار. ول قارسىلاستارىن الىپ تا شالىپ تا جىعىپ، ءوزىنىڭ شەبەرلىگىن جانكەشتى كۇرەستەرىمەن ايقىن كورسەتتى. كىلەم شەتىندە قىزىنىڭ كۇرەسىنە كۇيىپ ءپىسىپ، الىپ-ۇشىپ جۇرگەن اكەسى تيمۋر بىلگەنىن ايتىپ، قىزىن قامشىلاي تۇسۋدە. نوعاي مۇسىربەكتىڭ بەل نەمەرەسى ەكەنىن كورىپ بىلگەن كونەكوز جانكۇيەرلەر دە التىنايدىڭ كۇرەسىنە قىزىعى قاراپ، ۇلكەن اسەر الدى.
«تەكتىدەن تەكتى تۋادى»، — دەگەن قاعيدا وسىندايدا بەلگى بەرەتىنىنە كوز جەتكەندەي بولدى. ءبىر قىزىعى، ۆولەيبولعا قاتىسىپ جۇرگەن التىناي اكە جولىن قۋىپ كۇرەسكە اۋىسىپ كەتسە كەرەك. دزيۋدو ۇيىرمەسىنە ول ءوزىنىڭ جان قۇربىسى الۋامەن بىرگە بارىپ، قاتىسا باستايدى.
الۋا دا ناعىز بالۋاننىڭ شەبەرى بولىپ ءوسىپ كەلەدى. بۇل تۋرنيردە ول قارسىلاس شاق كەلتىرمەي قوعاداي جاپىرا فينالعا شىعىپ، جەڭىمپاز اتاندى. نەگىزى، الماتى وبلىسىندا سپورت ۇلكەن جولعا قويىلعان. الىسقا بارماي-اق كەشەگى كۇنى اياقتالعان ءۇشىنشى ازيا ويىندارىندا ۇلتتىق قۇرامادا ونەر كورسەتكەن الماتى وبلىسىنىڭ سپورتشىلارى التىن جۇلدەمەن، جۇلدەگەرلەر قاتارىنان كورىنىپ، ەل نامىسىن ابىرويمەن قورعاپ قايتتى.
سونىمەن عاليا نادىربەكقىزىن ەسكە الۋعا ارنالعان جارىستا جەڭىس بيىگىنە كوتەرىلگەن ءجوسوسپىرىم ۇل-قىزدار ۇيىمداستىرۋشىلاردىڭ ازىرلەگەن ماراپاتتارىنا يە بولىپ تارقاستى. بۇل جارىس وبلىستىڭ جىلتىزبەسىنە كىرگەن ەكەن. ۇيىمداستىرۋشىلار الداعى جىلدارى رەسپۋبليكالىق دەڭگەيگە كوتەرۋدى ماقسات ەتىپ وتىر ەكەن.
اقىن ورداباي ۇلى،
الماتى وبلىسى
