«ەرتىس» ءوز ويىنشىلارىنا قارىزعا بايلانىستى مالىمدەمە جاسادى

الەۋمەتتىك جەلىدە پاۆلودار قالاسىنىڭ «ەرتىس» كلۋبىنىڭ فۋتبولشىلار مەن قىزمەتكەرلەرىنە بىرنەشە ايدان بەرى جالاقى تولەي الماي جاتقانى تۋرالى اقپارات شىقتى.

Eldar_amanvibe telegram ارناسىندا جاريالانعان جازباعا قاراعاندا، قازاقستان پرەمەر-ليگاسىنا جولداما العان «ەرتىس» كومانداسى ءوز ويىنشىلارى مەن قىزمەتكەرلەرىنە ميلليونداعان تەڭگە قارىز. كلۋب بەس ايدان بەرى سىياقى دا تولەي الماي كەلەدى.

قولدا بار دەرەككە قاراعاندا، كلۋبتىڭ بيىلعى ءبىرىنشى ليگاداعى بيۋدجەتى 1 ملرد 332 ملن تەڭگە بولعان. وسى اقپاراتقا قاتىستى «ەرتىس» فك رەسمي مالىمدەمە جاسادى.

— كلۋبتىڭ ويىنشىلارى مەن قىزمەتكەرلەرى الدىندا جالاقى بويىنشا ەشقانداي بەرەشەگى جوق. الەۋمەتتىك جەلىدە تارالعان اقپارات شىندىققا جاناسپايدى. فۋتبولشىلار، جاتتىقتىرۋشىلار مەن اكىمشىلىك پەرسونال الدىنداعى بارلىق قارجىلىق مىندەتتەمە تولىق ءارى بەلگىلەنگەن مەرزىمدە ورىندالعان.

كلۋبتىڭ مالىمەتىنە سۇيەنسەك، ويىنشىلاردىڭ FIFA-عا حابارلاسۋعا دايىندالىپ جاتىر دەگەن اقپارات تا جالعان.

-«ەرتىس» فۋتبول كلۋبى جۇمىسىن جالعاستىرىپ، كەلەسى ماۋسىمعا دايىندىققا نازار اۋدارىپ وتىر، — دەلىنگەن حابارلامادا.

پاۆلوداردىڭ كلۋبى قازاقستان پرەمەر-ليگاسىنا «كاسپي» مەن «التاي» كوماندالارى سياقتى جولداما العان.

داستان كەنجالين،

استانا