SportPress.kz قازاقستان سپورت جاڭالىقتارى
قازاقستان تەننيسشىلەرىنىڭ الەمدىك رەيتينگىدەگى ورىندارى بەلگىلى بولدى، دەپ حابارلادى قازاقستان تەننيس فەدەراتسياسى.
كاسىپقوي تەننيسشىلەر قاۋىمداستىعى (ATP) رەيتينگىسىندە قازاقستاننىڭ ءبىرىنشى راكەتكاسى الەكساندر بۋبليك 11-ورىندا قالسا، الەكساندر شەۆچەنكو 96-دان 95-كە اۋىستى. دميتري پوپكو 224-تەن 223-كە كوتەرىلسە، تيموفەي سكاتوۆ 239-عا تۇراقتادى. بەيبىت جۇقاەۆ 279-دان 280-گە، ميحايل كۋكۋشكين 294-تەن 299-عا تومەندەدى.
جاڭارتىلعان رەيتينگىدە ەرەكشە سەرپىلىس جاساعان تەننيسشىنىڭ ءبىرى دەنيس ەۆسەەۆ بولدى. وتكەن اپتادا يسلاماباد (پاكىستان) چەللەندجەر ءتۋرنيرىنىڭ جارتىلاي فينالىنا دەيىن جەتكەن سپورتشى 404-تەن بىردەن 371-گە شىقتى.
موناستيردەگى (تۋنيس) جارىستىڭ جارتىلاي فينالىنا دەيىن بارعان 18 جاستاعى ءامىر ومارحانوۆ 241 ساتىعا جوعارىلاپ، 1 100-دەن 859-عا كوتەرىلدى.
گريگوري لوماكين دە وز كورسەتكىشىن جاقسارتىپ، 975-تەن 961-گە اۋىستى.
سونداي-اق 1 742-ورىنعا جايعاسقان 17 جاستاعى زاڭعار نۇرلان ۇلىن دا اتاپ وتۋگە بولادى.
ايەلدەر اراسىندا قازاقستاننىڭ ءبىرىنشى راكەتكاسى ەلەنا رىباكينا WTA رەيتينگىسىندە بۇرىنعىشا ۇزدىك بەستىكتى تۇيىندەپ تۇر.
يۋليا پۋتينتسەۆا 72-ورىندا قالسا، اۋستراليا اشىق چەمپيوناتىنا جولداما العان زارينا دياس 283-تەن 284-كە، جىبەك قۇلامباەۆا 331-دەن 334-كە ءتۇستى.
