18 jastaǵy Ámir Omarhanov álemdik reıtıngide 241 satyǵa shyqty

Qazaqstan tennısshileriniń álemdik reıtıngidegi oryndary belgili boldy, dep habarlady Qazaqstan tennıs federaııasy.

Kásipqoı tennısshiler qaýymdastyǵy (ATP) reıtıngisinde Qazaqstannyń birinshi raketkasy Aleksandr Býblık 11-orynda qalsa, Aleksandr Shevchenko 96-dan 95-ke aýysty. Dmıtrıı Popko 224-ten 223-ke kóterilse, Tımofeı Skatov 239-ǵa turaqtady. Beıbit Juqaev 279-dan 280-ge, Mıhaıl Kýkýshkın 294-ten 299-ǵa tómendedi.

Jańartylǵan reıtıngide erekshe serpilis jasaǵan tennısshiniń biri Denıs Evseev boldy. О́tken aptada Islamabad (Pákistan) chellendjer týrnıriniń jartylaı fınalyna deıin jetken sportshy 404-ten birden 371-ge shyqty.

Monastırdegi (Týnıs) jarystyń jartylaı fınalyna deıin barǵan 18 jastaǵy Ámir Omarhanov 241 satyǵa joǵarylap, 1 100-den 859-ǵa kóterildi.

Grıgorıı Lomakın de óz kórsetkishin jaqsartyp, 975-ten 961-ge aýysty.

Sondaı-aq 1 742-orynǵa jaıǵasqan 17 jastaǵy Zańǵar Nurlanulyn da atap ótýge bolady.

Áıelder arasynda Qazaqstannyń birinshi raketkasy Elena Rybakına WTA reıtıngisinde burynǵysha úzdik bestikti túıindep tur.

Iýlııa Pýtıneva 72-orynda qalsa, Aýstralııa ashyq chempıonatyna joldama alǵan Zarına Dııas 283-ten 284-ke, Jibek Qulambaeva 331-den 334-ke tústi.