ITF W15: qazaq qyzdary jarys kórigin qyzdyryp jatyr

Tennısshiler Asyljan Arystanbekova men Ińkár Dúısebaı juptyq synda Túrkııanyń Antalııa qalasynda ótip jatqan ITF W15 týrnırinde jarys kórigin qyzdyryp jatyr. Olar jartylaı fınalǵa shyqty, dep habarlady Qazaqstan tennıs federaııasy.

Jarysta qazaq qyzdary 4-raketka bolyp tirkelgen. Shırek fınalda tennısshiler Majarstannyń Melında Bıro men Aýstrııanyń Klaýdıa Gasparovıch esimdi qarsylastarymen oınady.

Oıynda Asyljan men Ińkár qarsylastaryna esh múmkindik qaldyrmaı, 6:1, 6:0 esebimen oısyrata jeńdi.

Endi tennısshiler fınalǵa shyǵý úshin osy dodanyń 1-raketkalary, japon qyzdary Nanarı Katsýmı men Rınko Maýdamen baq synaıdy.

Asyljan Arystanbekova jekeleı synda 1/16 fınalda dál osy N.Katsýmıge 4:6, 3:6 esebimen jeńilgen edi.

Budan basqa da elge qýanyshty habar kelip jetti.

Arýjan Saǵyndyqova Úndistandaǵy týrnırde bir kúnde eki oıyndy jeńdi. Al Albına Kákenova 18 jasqa deıingiler arasynda Úndistanda ótken eki ITF Juniors 100 týrnırinde jeńimpaz atandy.

Ol aldymen otandasymyz Sátıma Tóregenmen birge juptyq synda Nıý-Delı dodasynda úzdik shyqty. Onda qazaq dýeti fınalda reseılik Ksenııa Ahrameeva  men Eva Kolıadınany 6:4, 6:4 esebimen basym tústi.

Albına Kákenova jekeleı synda Pýne qalasynda ótken jarysta qarsylastarynyń bárin jeńip shyqty. Ol senbi kúni sońǵy oıynda kort ıesi úndi Dıa Rameshti 6:2, 6:0 esebimen jeńdi.