Shymkentte qazaq kúresinen Qazaqstan chempıonatynyń jalaýy jelbiredi

Shymkent qalasynda qazaq kúresinen eresekter arasyndaǵy Qazaqstan chempıonaty óz máresine jetti, dep habarlady  Qazaq Kuresi Assoıaııasynyń baspasóz qyzmeti.

Ulttyq sportty ulyqtaǵan aıtýly doda «Jeńilatletıkalyq manej» sport kesheninde bolyp, eldiń túkpir-túkpirinen jınalǵan balýandardyń basyn qosty.

Chempıonattyń saltanatty ashylý rásiminde Shymkent qalasy dene shynyqtyrý jáne sport basqarmasy basshysynyń mindetin atqarýshy Qanat Joldyqaraev, Ulttyq jáne at sporty túrleri ortalyǵynyń dırektory Qaırat Pazylbek, Qazaq Kuresi Assoıaııasynyń bas dırektory Damır Bekbosynov pen Shymkent qalasy Qazaq Kuresi federaııasynyń prezıdenti Ashat Ábdijámıluly sóz sóılep, jarysqa qatysýshylarǵa sáttilik tiledi.

Is-sharada Qazaq Kuresi Assoıaııasynyń bas dırektory Damır Ásenǵazyuly qazaq kúresiniń kórnekti ókili Aıdos Ǵalymovqa qazaq kúresi sport túrinen Qazaqstan Respýblıkasynyń eńbek sińirgen sport sheberi ataǵynyń tósbelgisi men kýáligin saltanatty túrde tabys etti.

Aıdos Qaıratuly – qazaq kúresinen eki dúrkin álem chempıony, tórt dúrkin «Eýrazııa barysy» týrnıriniń jeńimpazy jáne úsh dúrkin Qazaqstan chempıony.

Aıta keteıik, ulttyq sporttyń abyroıyn asqaqtatqan jarystyń bas demeýshileri – «Samuryq Qazyna» ulttyq ál-aýqat qory» AQ jáne Sport Qory sportty qoldaý qory.

Bıylǵy Qazaqstan chempıonatyna Astana, Almaty, Shymkent qalalarynan jáne 17 óńirden kelgen 500-ge jýyq balýan qatysty. Sportshylar 16 salmaq dárejesinde (erler – 8, áıelder – 8) beldesip, birneshe kúnge sozylǵan tartysty jarysta ózara myqtyny anyqtady.

Birinshi jarys kúni

Alǵashqy jarys kúni erler arasynda 90, 100 jáne 100 kelilen asa salmaq dárejelerinde chempıondar belgili boldy. 90 kelide Qyzylorda oblysynyń ókili Eńbek Saqtaǵanov top jarsa, 100 kelide Jambyl oblysynan Qazbek Raqyshev, al 100 keliden asa salmaqta Mańǵystaý oblysynyń balýany Nurdáýlet Jarylǵapov chempıon atandy.

Ekinshi jarys kúni

Ekinshi kúni erler arasynda 66, 74 jáne 82 keli salmaq dárejelerinde, áıelder arasynda 56, 60 jáne 65 keli salmaqtarynda beldesýler boldy. Bul kúni de birneshe óńirdiń balýandary júldegerler qatarynan kórinip, jarystyń tartysty sıpatyn kórsetti.

Úshinshi jarys kúni

Úshinshi jarys kúni erler 55 jáne 60 keli salmaq dárejelerinde, sondaı-aq túıe balýan sanatynda synǵa tústi. Túıe balýan sanatynda Shymkent qalasynyń ókili Nursultan Qojageldiuly jeńiske jetti. Áıelder arasynda 48 jáne 52 keli salmaq dárejeleriniń chempıondary anyqtaldy.

Jalpykomandalyq nátıje

Chempıonattyń qorytyndysy boıynsha jalpykomandalyq esepte:

I oryn – Shymkent qalasy (237 upaı),

II oryn – Jambyl oblysy (225 upaı),

III oryn – Abaı oblysy (200 upaı) ıelendi.