Qytaıda Dımashtyń týrıstik lokaııada túsirilgen jobasy tanystyrylady

Bıylǵy 5 aqpanda Qytaıdyń tanymal Hunan TV telearnasynda halyqaralyq mýzykalyq Voice Beyond Horizon jobasynyń resmı tanystyrylymy bolady, dep habarlady Týrızm jáne sport mınıstrligi.

Baǵdarlamanyń túsirilimi tolyq elimizdiń týrıstik lokaııalarynda boldy. Ol 6 óńirdi qamtydy.

Joba Dımash Qudaıbergenniń bastamasymen qolǵa alynyp, Hunan Broadcasting System medıaholdıngimen birge iske asyryldy. Voice Beyond Horizon ártúrli elderdiń ónerpazdaryn biriktirýmen qatar Qazaqstannyń tabıǵı áralýandyǵyn jáne týrıstik áleýetin mıllıondaǵan kórermenge tanystyrady.

Túsirilimder Túrkistan, Mańǵystaý, Almaty jáne Aqmola oblystarynda, Astana men Almaty qalalarynda boldy.

Jobaǵa Qazaqstannyń, Qytaıdyń, Qyrǵyzstannyń, Italııanyń, Malaızııa men Serbııanyń ánshileri qatysady. О́tken jyldyń qyrkúıek aıynda olar Qazaqstan óńirlerin aralap, 7 myń shaqyrymnan astam jol júrip ótti.

Joba baǵyty kóne Túrkistandy, Bozjyranyń erekshe kórinisterin jáne Kaspıı teńizi jaǵalaýyn, tabıǵı injý-marjanǵa aınalǵan Qaıyńdy men Kóbeıtuz kólderin, týrıstık Saty aýylyn, Qapshaǵaı sý qoımasyn, Щýchınsk-Býrabaı kýrorttyq aımaǵyn qamtydy.

-Qazaqstannyń týrıstik áleýetin halyqaralyq medıajobalar arqyly júıeli túrde kórsetemiz. Biz Euronews Travel, Amazon Prime Video, M6 telearnasy sııaqty jetekshi álemdik  telearnalarmen yntymaqtastyq ornatatyp jatyrmyz. Biz Dımash Qudaıbergenge Voice Beyond Horizon jobasyna bastamashyldyq tanıtqany úshin alǵys bildiremiz. Bul televızııalyq baǵdarlama bizdiń týrıstik oryndarymyzdy mıllıardtaǵan aýdıtorııaǵa kórsetedi, – dedi «Kazah Týrızm» UK» AQ Basqarma tóraǵasy Talǵat Ǵazızov.

Jobanyń resmı kórsetilimi Qytaıda aýdıtorııasy 1,9 mıllıardan asatyn  Hunan TV, Mango TV, elimizdegi Qazaqstan ulttyq arnasynda bolady.

Jobaǵa «Kazakh Tourism» ulttyq kompanııasy, Týrızm jáne sport, Mádenıet jáne aqparat mınıstrlikteri, Astana, Almaty qalalarynyń jáne Almaty, Aqmola, Túrkistan, Mańǵystaý oblystary ákimdikteri uıymyrýshylyq qoldaý kórsetip, demeýshiler retınde «Karmet», «Qazaqmys», «Altyn Almas» kompanııalary men Nurlan Smaǵulov qory da atsalysty.