SportPress.kz Qazaqstan sport jańalyqtary
Astanada Týrızm jáne sport mınıstri Erbol Myrzabosynovtyń tóraǵalyǵymen vedomstvonyń dene shynyqtyrý jáne sport, týrızm, oıyn bıznesi jáne lotereıa qyzmetin retteý salalaryndaǵy 2025 jylǵy qyzmeti men 2026 jylǵa qoıylǵan negizgi mindetteri jónindegi keńeıtilgen Alqa májilisi boldy, dep habarlady atalǵan mınıstrlik.
Is-sharaǵa Qoǵamdyq keńestiń ókilderi, sala ardagerleri, ataqty sportshylar men qurmetti jattyqtyrýshylar, otandyq týrıstik birlestikter men assoıaııalar, jergilikti atqarýshy organdar men vedomstvoǵa baǵynysty uıymdardyń basshylary, úkimettik emes uıymdar qatysty.
Týrızm jáne sport mınıstriniń orynbasary Serik Jarasbaev 2025 jyly atqarylǵan jetistikter men 2026 jylǵa arnalǵan josparlardy baıandady. Ol sport salasynyń eldiń abyroıyn asqaqtatyp, ulttyq rýhty kóteretin strategııalyq mańyzyna toqtaldy.
-2025 jyly «Dene shynyqtyrý jáne sport týraly» zańǵa birqatar túzetý engizilip, basqarý tıimdiligi arttyryldy. Qazaqstan azamattyǵy joq sportshylardy bıýdjet esebinen qarjylandyrýǵa tyıym salyndy, «sporttyń basym túrleri» anyqtalyp, akkredıttelgen sport federaııalarynyń qyzmetine jańa talaptar engizildi. Sonymen qatar memlekettik sport uıymdarynyń basshylary rotaııalanyp, óńirlik basqarmalar KPI júıesi boıynsha baǵalanady, – dedi ol.
Buqaralyq sportty damytýda 2025 jyly 8,5 mln adam júıeli túrde sportpen aınalysqan. Bul -halyqtyń 44,5%-y. Maqsat – 2029 jylǵa qaraı kórsetkishti 50%-ǵa jetkizý. 240 myń bala 7 myńnan astam úıirmege tegin qatysyp, jergilikti bıýdjetterden 50 mlrd teńge qarajat bólindi.
2025 jyly elde 147 sport nysany, onyń ishinde aýyldyq jerlerde – 107, qalalarda – 40 sport ǵımaraty paıdalanýǵa berildi. 2026–2028 jyldarǵa arnalǵan sporttyq ınfraqurylymdy damytýdyń Jol kartasy ázirlendi. Oǵan sáıkes 86 sport nysanyn salý josparlanǵan.
Bıylǵy mańyzdy oqıǵalar – Mılan-Kortına qalalarynda ótetin XXV qysqy Olımpııa jáne XIV Paralımpııa oıyndary. Qazaqstan quramasynan Olımpıadaǵa 36, Paralımpıadaǵa 7 sportshy qatysady.
Jıynda Serik Jarasbaev týrızm salasynda atqarylyp jatqan jumystar týraly da aıtty. Onyń aıtýynsha, elimizde týrızm turaqty ósim baıqalady.
-2025 jyldyń 9 aıynda ishki týrıster sany 6,7 mln adamǵa jetip, 2024 jylmen salystyrǵanda 741,3 myńǵa ósti. Elge kelgen sheteldik týrıster sany 15,7 mln adamǵa jetip, ornalastyrý oryndarynyń tabysy 268 mlrd teńge boldy. Týrızmge ınvestıııa kólemi 1,254 trln teńgege jetip, ótken jylmen salystyrǵanda 32%-ǵa ósti. Basym baǵyttar – Almaty taý klasteri, Щýchınsk-Býrabaı jáne Mańǵystaý týrıstik óńirleri. Býrabaıda 10 shaqyrym velojol, 8 sholý alańy, 4 avtoturaq paıdalanýǵa berildi. Mańǵystaýda erekshe tabıǵı nysandarǵa qoljetimdilikti arttyrý josparlanǵan, – dedi S.Jarasbaev.
Týrıstik ónimderdiń geografııasy 1 100-den astam týrǵa jetip, kásibı kadrlardy oqytý jáne qyzmet kórsetý sapasyn arttyrý jalǵasýda.
Al týrızm jáne sport vıe-mınıstri Baýyrjan Rapıkov 2025 jyly Týrızm jáne sport mınıstrligi qumar oıyndar salasynda azamattardyń quqyqtary men múddelerin qorǵaý baǵytynda júrgizgen aýqymdy zańnamalyq jumystar men saladaǵy negizgi ózgerister týraly baıandady.
Sondaı-aq, Alqa májilisinde Kazakh Tourism Development JShS dırektory Erjan Erkinbaev, Qaraǵandy oblysynyń kásipkerlik basqarmasynyń basshysy Irına Lıýbarskaıa, Qyzylorda oblysynyń dene shynyqtyrý, sport jáne týrızm basqarmasynyń basshysy Baqtııar Artaev, «Dala Qyrandary» jastar qoǵamdyq birlestiginiń ókili Nurǵalı Tursynǵazıev baıandama jasady.
