Australian Open-2026: Elena Rybakına – chempıon!

Tennısshi Elena Rybakına alǵash ret Aýstralııa ashyq chempıonatyn jeńip aldy, dep habarlady Qazaqstan tennıs federaııasy.

Ol fınalda álemniń birinshi raketkasy Arına Sobolenkony (Belarýs) 6:4, 4:6, 6:4 esebimen jeńdi.  Tıtýlǵa barar jolda Qazaqstannyń kóshbasshy tennısshisi shırek fınalda jarystyń 2-raketkasy Iga Shventekten, jartylaı fınalda altynshy nómirli bolyp tirkelgen Djessıka Pegýladan aılasyn asyrdy.

2023 jyly Rybakına men Sobolenko fınalda oınaǵan edi. Sol kezde match úsh sette aıaqtalyp, Sobolenkonyń paıdasyna sheshilgen bolatyn.

Bul — Elena Rybakına úshin TOP-10-ǵa kiretin oıynshymen bolǵan qatarynan onynshy jeńis. Sondaı-aq sońǵy 21 matchtaǵy 20 jeńis, jekeleı synda 2022 jylǵy Ýımbldonnan keıingi «Úlken dýlyǵa» týrnırindegi ekinshi jáne sporttyq jolyndaǵy 12-inshi tıtýl.

Qazaqstan tennıs federaııasynyń prezıdenti Bolat О́temuratov otandastarymyzdy tarıhı jeńispen quttyqtady.

-Bul Australian Open Qazaqstan úshin tarıhı jarys boldy. Úsh jasóspirimdi qosqanda, bizdiń oıynshylardyń rekordtyq qatysýy — ulttyq tennıs úshin eleýli jetistik. Elena Rybakınanyń jeńisi onyń álemdik reıtıngtiń úzdik úshtiktegi ornyn nyǵaıtyp, sporttyq jolyndaǵy «Úlken dýlyǵa» týrnırindegi ekinshi tıtýly boldy.

Juptyq synda fınalǵa shyqqan Anna Danılına jáne jasóspirimder arasynda Melbýrnda Qazaqstan tennısshileri arasynan birinshi bolyp jartylaı fınalǵa deıin jetken Zańǵar Nurlanuly bizdiń mekteptiń deńgeıin kórsetti. Mundaı tabystar jas urpaqty jigerlendirip, elde tennıstiń damýyna tyń serpin beretinine senimdimin. Bizdiń barlyq tennısshilerge halyqaralyq arenada jańa jeńister, turaqty alǵa basý jáne aıshyqty jetistikter tileımin, — dedi ol.

Tennis Up to Date saıtynyń habarlaýynsha, Elena Rybakına qarasha aıynan beri 7 mln 996 myń 892 dollar (4 mlrd 48 mln teńgeden astam) tabys tapty.

Buǵan deıin dál osyndaı az ýaqytta eshkim mundaı kórsetkishke jetpegen edi.

Bul serııa ótken jylǵy WTA qorytyndy týrnırinen bastaldy. Onda Rybakına birde-bir ret jeńilmeı, 5 235 myń dollar tabys tapqan bolatyn. Bul da rekord edi.

Sodan keıin Rybakına jańa jyldy Brısbendegi (Aýstralııa) jarystan bastap shırek fınalǵa deıin jetti. Sol úshin 37,460 myń dollarǵa ıe boldy. Al Aýstralııa ashyq chempıonatyndaǵy chempıondyq ataǵy úshin tennısshi 2 mln 724,432 myń dollardy sanap aldy.