Japonııany moıyndatqan Ersin Baltaǵul balýandarǵa sheberligin kórsetti

Astanadaǵy Jaqsylyq Úshkempirov atyndaǵy Jekpe-jek saraıynda taǵylymy mol kezdesý boldy, Qazaq Kuresi Assoıaııasynyń baspasóz qyzmeti.

Qazaqtan shyqqan kásipqoı sýmoshy, Japonııa tórinde top jaryp júrgen jalǵyz qazaq Ersin Baltaǵul kásibı sportshylarmen jáne jas balýandarmen júzdesti.

Kezdesýge qazaq kúresiniń absolıýtti salmaq dárejesinde synǵa túsip júrgen túıe balýandar, sondaı-aq Qazaqstan Barysy respýblıkalyq týrnıriniń jeńimpaz-júldegerleri Beıbit Ystybaev, Rýslan Ábdirazaqov, Muhıt Tursynov, Erasyl Qajybaev pen Parıj Olımpıadasynyń qola júldegeri Ǵusman Qyrǵyzbaev bastaǵan dzıýdodan ulttyq qurama sportshylary qatysty.

Ersin Baltaǵul búginde Japonııada joǵary nátıjege jetken Qazaqstannyń kásibı sýmoshysy. Almaty qalasynyń týmasy sporttaǵy jolyn qazaq kúresi men dzıýdodan bastap, ulttyq mekteptiń tálimin kórip shyńdalǵan. Keıin Japonııadaǵy Nıhon ýnıversıtetin tamamdap, kásibı sýmo álemine qadam basqan.

Kezdesýde Qazaq Kuresi Assoıaııasynyń bas dırektory Meıirjan Bereketov Kınbozan Harýkı laqap atymen tanymal sportshyny otandyq balýandarǵa tanystyryp, onyń halyqaralyq arenadaǵy jetistikterine toqtaldy.

Byltyr Japonııada ótken «Haý basıo – 2025» týrnırinde Ersin Baltaǵul 15 kúndik dodada 13 jeńiske jetip, úshinshi oryn ıelendi. Bul nátıje el sporty tarıhyndaǵy mańyzdy belesterdiń biri.

Jas balýandar qadirmendi qonaqqa qazaq kúresiniń ádis-tásilderin kórsetip, ulttyq sport pen sýmo arasyndaǵy úndestikti pash etti. Al Ersin Baltaǵul óz kezeginde sýmoda jıi qoldanatyn súıikti ádisterin tanystyryp, Japonııadaǵy daıyndyq júıesi, qatań tártip pen dástúrge negizdelgen sýmo mádenıeti týraly keńinen áńgimeledi.

Is-sharada sportshy kásibı sýmoda jetken jetistikteriniń basty qaǵıdattaryn da aıtty.

– Kásibı sportta tabysqa jetýdiń basty kilti – eńbek, tártip jáne ulttyq negizden ajyramaý. Men sporttyq jolymdy qazaq kúresi men dzıýdodan bastap, sol mekteptiń arqasynda fızıkalyq jáne rýhanı turǵydan qalyptasqanmyn. Japondarda «zaldyń rýhyn seziný» jáne «tatamıdiń tynysyn ańǵarý» degen maǵyna beretin «Ondýoshın ı» degen uǵym bar. Men de kilem men zaldyń tynysyn sezinýdi tól kúresimizdiń mektebinen úırendim. Buǵan mysal keltiretin bolsam, men sýmo beldesýlerinde qazaq kúresiniń «Jambas» ádisin jıi qoldanamyn, – deıdi Ersin Baltaǵul.

Sondaı-aq, sportshy qazaq kúresin Japonııada damytý múmkindigi bar ekenin atap ótti.

– Qazaqstanda absolıýtti salmaqta ótetin «Qazaqstan barysy» jáne «Eýrazııa barysy» sııaqty týrnırler iri deneli balýandardyń áleýetin kórsetip otyr. Sondyqtan Japonııada qazaq kúresin damytýǵa, jergilikti balýandardy sýmo kúresine tartýǵa tolyq múmkindik bar dep sanaımyn. Sýmo jarysyna shyqqanda ózimniń qazaqstandyq ekenimdi, Almaty qalasynyń týmasy ekenimdi eshqashan umytpaımyn. Iaǵnı, men úshin 146 mıllıon halqy bar Japonııada el namysyn qorǵaý úlken jaýapkershilik dep bilemin. Qazir Osaka qalasynda ótetin ımperator kýbogine daıyndalyp jatyrmyn. Bul joly da úzdikter qatarynan kórinýge bar kúshimdi salamyn, – deıdi sportshy.

Is-sharada Meıirjan Bereketov Ersin Baltaǵulǵa Qazaq Kuresi Assoıaııasy ujymynyń atynan qurmet kórsetti. Qazaq dástúrmen ıyǵyna shapan jaýyp, kádesyılardy tabys etti.

Baspasóz ortalyǵynda jalǵasqan suhbatta kásibı sýmoshy ulttyq sporttan halyqaralyq deńgeıge shyǵýdyń joly, sporttaǵy tártip pen tabandylyqtyń mańyzy jáne aldaǵy josparlary jaıynda aıtty.

Bul kezdesý bir sportshynyń jetistigin dáripteý ǵana emes, qazaq jastaryna motıvaııa beretin taǵylymdy is-shara bolǵany sózsiz. Tól kúrestiń mektebinen túlep ushqan balýannyń Japonııa tórinde atoı salýy  qazaq sportynyń áleýetin aıǵaqtaıtyn jetistik.

Onyń boıy 195 santımetr, al salmaǵy 178 keli bolatyn Ersin Baltaǵul sýmo kúresiniń eń joǵary dıvızıony – Makýýtıde óner kórsetip júr.

 

Qazaq Kuresi Assoıaııasynyń baspasóz qyzmeti