الماتى وبلىسىندا كونكۋردان ەل چەمپيوناتى وتەدى

الماتى وبلىسىندا ات سپورتىنىڭ وليمپيادالىق ءتۇرى سانالاتىن كونكۋردان قازاقستان چەمپيوناتى وتەدى، دەپ حابارلادى ات سپورتى فەدەراتسياسى.

27 ماۋسىمدا ەلىمىزدىڭ ۇزدىك شاباندوزدارى تالعار اۋدانىنداعى Almaty Horse & Polo Club ات سپورتى كەشەنىنە بارادى. چەمپيوناتقا قازاقستاننىڭ بارلىق وڭىرىنەن 50-دەن استام سپورتشى قاتىسادى دەپ جوسپارلانىپ وتىر.

جارىستا شاباندوزدار ارتۇرلى بيىكتىكتەگى كەدەرگىلەردەن ءوتىپ، وزدەرىنىڭ تەحنيكالىق دايىندىعى مەن شەبەرلىگىن كورسەتەدى. چەمپيونات باعدارلاماسىندا بالالار، جاسوسپىرىمدەر، اۋەسقويلار جانە كاسىبي سپورتشىلار اراسىنداعى سايىستار قاراستىرىلعان.

كونكۋر جارىستارى شاباندوزدىڭ تاجىريبەسىن عانا ەمەس، ات پەن سپورتشى اراسىنداعى ۇيلەسىمدى بايلانىستى دا ايقىندايدى. سوندىقتان ءاربىر باعىتتا جىلدامدىقپەن قاتار دالدىك پەن ءوزارا تۇسىنىستىك شەشۋشى ءرول اتقارادى.

ۇيىمداستىرۋشىلاردىڭ ايتۋىنشا، چەمپيونات ات سپورتى جانكۇيەرلەرى ءۇشىن قىزىقتى باسەكەگە اينالىپ، وڭىردەگى ات سپورتىنىڭ دامۋىنا سەرپىن بەرەدى.

جارىس ساعات 10:00-دە باستالادى.

مەكەنجايى: Almaty Horse & Polo Club ات سپورتى كەشەنى، الماتى وبلىسى، تالعار اۋدانى، رىسقۇلوۆ اۋىلى.