جازعى ازيا ويىندارىنا قاي وبلىستىڭ سپورتشىلارى كوپ بارادى؟

2023 جىلى قىتايدىڭ حانچجوۋ قالاسىندا وتكەن جازعى ازيا ويىندارىنا 525 سپورتشى قاتىسسا، بيىلعى جاپونيانىڭ ايچي پرەفەكتۋراسى مەن ونىڭ ورتالىعى ناگويا قالاسىندا وتەتىن دودادا باق سىناۋ ءۇشىن 559 وتانداسىمىز تىركەلدى، دەپ حابارلادى SportPress.kz

1.الماتى قالاسى — 124 سپورتشى (2023 جىلى 108 سپورتشى بارعان).

الماتى قالاسىنان توپ-3 سپورتقا رەگبي-7 (18 ادام)، سەمسەرلەسۋ (9 ادام)، كيبەرسپورت پەن كوگالداعى حوككەي (8 ادام) كىرەدى.

2.استانا قالاسى — 75 سپورتشى (2023 جىلى 70 سپورتشى بولعان).

ەلوردامىزدىڭ توپ-3 سپورتىنا 5×5 باسكەتبول (9 سپورتشى)، كوركەم گيمناستيكا مەن اكادەميالىق ەسكەك ەسۋ (7 ادام) كىرەدى.

3.شىمكەنت ق. — 51 سپورتشى (2023 جىلى 64 سپورتشى بولعان).

شىمكەنتتەن توپ-3 سپورتقا گاندبول (8 سپورتشى)، ستەند اتۋ (8 سپورتشى)، بايداركا جانە كانوەدا ەسۋ مەن نىسانا كوزدەۋ (5 سپورتشى) كىرەدى.

4.قاراعاندى وبلىسى — 43 سپورتشى بارادى (2023 جىلى 35 سپورتشى بارعان).

قاراعاندى وبلىسىنان ەڭ كوپ جەڭىل اتلەتيكا (8 سپورتشى)، ارتىستىك ءجۇزۋ (6 سپورتشى)، اكادەميالىق ەسكەك ەسۋ مەن ۇستەل تەننيسى (4 سپورتشى) كىرەدى.

5.جامبىل وبلىسى — 34 سپورتشى (2023 جىلى 33 سپورتشى بارعان).

جامبىل وبلىسىنان ەڭ كوپ سپورتشى سۋ دوبىنان (18 ادام) بارادى.

6.تۇركىستان وبلىسى — 32 سپورتشى (2023 جىلى 26 سپورتشى بارعان).

تۇركىستان وبلىسىنىڭ توپ-3 سپورتىنا گاندبول (10 ادام)، اكادەميالىق ەسۋ (6 سپورتشى)، بايداركا جانە كانوەدا ەسۋ (4 سپورتشى) كىرەدى.

7.شقو — 30 سپورتشى (2023 جىلى 27 سپورتشى بارعان).

شىعىس قازاقستان وبلىسى اتىنان توپ-3 سپورتقا جەڭىل اتلەتيكا (11 سپورتشى)، سەمسەرلەسۋ (5 سپورتشى)، ەسكەك ەسۋ (5 سپورتشى) كىرەدى.

8.جەتىسۋ وبلىسى — 27 سپورتشى (2023 جىلى 36 سپورتشى بارعان).

جەتىسۋ وبلىسىنان رەگبيدەن 7 سپورتشى، ۆولەيبولدان (6 سپورتشى)، ساداق اتۋدان 5 ادام بارادى.

9.الماتى وبلىسى — 25 سپورتشى (2023 جىلى 12 سپورتشى بارعان).

الماتى وبلىسىنا جەلكەندى سپورت (5 ادام)، جاعاجاي ۆولەيبولى (4 سپورتشى)، ۋشۋ (2 ادام) كىرەدى.

10.اقتوبە وبلىسى — 20 سپورتشى (2023 جىلى 12 سپورتشى بارعان).

گاندبولدان (5 سپورتشى) جانە ۆولەيبولدان 4 سپورتشى بارادى.

11.قوستاناي وبلىسى — 14 سپورتشى (2023 جىلى 11 سپورتشى بارعان).

قوستاناي وبلىسىنىڭ 4 سپورتشىسى دجيۋ-دجيتسۋدان ونەر كورسەتەدى.

12.اقمولا وبلىسى — 14 سپورتشى (2023 جىلى 15 سپورتشى بارعان).

اقمولا وبلىسى اتىنان باراتىن توپ-3 5×5 باسكەتبول (4 سپورتشى)، دجيۋ-دجيتسۋ (3 سپورتشى) كىرەدى.

13.قىزىلوردا وبلىسى — 13 سپورتشى (2023 جىلى 23 سپورتشى بارعان)

قىزىلوردانىڭ سپورتىنا كوگالداعى حوككەي (6 سپورتشى) كىرەدى.

14.سقو — 11 سپورتشى (2023 جىلى 6 سپورتشى بارعان)

ۆولەيبول (3 سپورتشى) مەن تاس جولداعى ۆەلوسپورتتان (2 سپورتشى) كوپ بارادى.

15.پاۆلودار وبلىسى — 11 سپورتشى (2023 جىلى 16 سپورتشى بارعان).

پاۆلودار وڭىرىنەن كيبەرسپورت پەن جەڭىل اتلەتيكادان 2 سپورتشىدان بارادى.

16.بقو — 10 سپورتشى (2023 جىلى 9 سپورتشى بارعان).

باتىس قازاقستان وبلىسى 10 سپورت تۇرىنەن سىنعا تۇسەدى.

17.اتىراۋ وبلىسى — 10 سپورتشى (2023 جىلى 11 سپورتشى بارعان)

دزيۋدو مەن 3×3 باسكەتبولدان، 3 ادامنان قاتىسادى.

18.اباي وبلىسى — 4 سپورتشى (2023 جىلى ەشكىم قاتىسپادى)
دزيۋدو (2 سپورتشى)، سەمسەرلەسۋ مەن كۋراشتان جۇلدەگە تالاسادى.

تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنە قاراستى سپورتتى دامىتۋ ديرەكتسياسى ءباسپاسوز قىزمەتى حابارلاعانداي، وسى كۇندەرى ازيادا رەسمي تۇردە اشىلماي جاتىپ، سپورتتىڭ كەيبىر تۇرلەرىنەن جارىستار باستالىپ تا كەتتى.  ويىندارعا وكىنىشكە قاراي، ۇلىتاۋ وبلىسىنىڭ وكىلدەرى قاتىسپايدى. بۇل وڭىردەن بىردە-ءبىر سپورتشى ازياداعا ليتسەنزيا الا المادى.