Jazǵy Azııa oıyndaryna qaı oblystyń sportshylary kóp barady?

2023 jyly Qytaıdyń Hanchjoý qalasynda ótken jazǵy Azııa oıyndaryna 525 sportshy qatyssa, bıylǵy Japonııanyń Aıchı prefektýrasy men onyń ortalyǵy Nagoıa qalasynda ótetin dodada baq synaý úshin 559 otandasymyz tirkeldi, dep habarlady SportPress.kz

1.Almaty qalasy — 124 sportshy (2023 jyly 108 sportshy barǵan).

Almaty qalasynan TOP-3 sportqa regbı-7 (18 adam), semserlesý (9 adam), kıbersport pen kógaldaǵy hokkeı (8 adam) kiredi.

2.Astana qalasy — 75 sportshy (2023 jyly 70 sportshy bolǵan).

Elordamyzdyń TOP-3 sportyna 5×5 basketbol (9 sportshy), kórkem gımnastıka men akademııalyq eskek esý (7 adam) kiredi.

3.Shymkent q. — 51 sportshy (2023 jyly 64 sportshy bolǵan).

Shymkentten TOP-3 sportqa gandbol (8 sportshy), stend atý (8 sportshy), baıdarka jáne kanoeda esý men nysana kózdeý (5 sportshy) kiredi.

4.Qaraǵandy oblysy — 43 sportshy barady (2023 jyly 35 sportshy barǵan).

Qaraǵandy oblysynan eń kóp jeńil atletıka (8 sportshy), ártistik júzý (6 sportshy), akademııalyq eskek esý men ústel tennısi (4 sportshy) kiredi.

5.Jambyl oblysy — 34 sportshy (2023 jyly 33 sportshy barǵan).

Jambyl oblysynan eń kóp sportshy sý dobynan (18 adam) barady.

6.Túrkistan oblysy — 32 sportshy (2023 jyly 26 sportshy barǵan).

Túrkistan oblysynyń TOP-3 sportyna gandbol (10 adam), akademııalyq esý (6 sportshy), baıdarka jáne kanoeda esý (4 sportshy) kiredi.

7.ShQO — 30 sportshy (2023 jyly 27 sportshy barǵan).

Shyǵys Qazaqstan oblysy atynan TOP-3 sportqa jeńil atletıka (11 sportshy), semserlesý (5 sportshy), eskek esý (5 sportshy) kiredi.

8.Jetisý oblysy — 27 sportshy (2023 jyly 36 sportshy barǵan).

Jetisý oblysynan regbıden 7 sportshy, voleıboldan (6 sportshy), sadaq atýdan 5 adam barady.

9.Almaty oblysy — 25 sportshy (2023 jyly 12 sportshy barǵan).

Almaty oblysyna jelkendi sport (5 adam), jaǵajaı voleıboly (4 sportshy), ýshý (2 adam) kiredi.

10.Aqtóbe oblysy — 20 sportshy (2023 jyly 12 sportshy barǵan).

Gandboldan (5 sportshy) jáne voleıboldan 4 sportshy barady.

11.Qostanaı oblysy — 14 sportshy (2023 jyly 11 sportshy barǵan).

Qostanaı oblysynyń 4 sportshysy djıý-djıtsýdan óner kórsetedi.

12.Aqmola oblysy — 14 sportshy (2023 jyly 15 sportshy barǵan).

Aqmola oblysy atynan baratyn TOP-3 5×5 basketbol (4 sportshy), djıý-djıtsý (3 sportshy) kiredi.

13.Qyzylorda oblysy — 13 sportshy (2023 jyly 23 sportshy barǵan)

Qyzylordanyń sportyna kógaldaǵy hokkeı (6 sportshy) kiredi.

14.SQO — 11 sportshy (2023 jyly 6 sportshy barǵan)

Voleıbol (3 sportshy) men tas joldaǵy velosporttan (2 sportshy) kóp barady.

15.Pavlodar oblysy — 11 sportshy (2023 jyly 16 sportshy barǵan).

Pavlodar óńirinen kıbersport pen jeńil atletıkadan 2 sportshydan barady.

16.BQO — 10 sportshy (2023 jyly 9 sportshy barǵan).

Batys Qazaqstan oblysy 10 sport túrinen synǵa túsedi.

17.Atyraý oblysy — 10 sportshy (2023 jyly 11 sportshy barǵan)

Dzıýdo men 3×3 basketboldan, 3 adamnan qatysady.

18.Abaı oblysy — 4 sportshy (2023 jyly eshkim qatyspady)
Dzıýdo (2 sportshy), semserlesý men kýrashtan júldege talasady.

Týrızm jáne sport mınıstrligi Sport jáne dene shynyqtyrý isteri komıtetine qarasty Sportty damytý dırekııasy baspasóz qyzmeti habarlaǵandaı, osy kúnderi Azıada resmı túrde ashylmaı jatyp, sporttyń keıbir túrlerinen jarystar bastalyp ta ketti.  Oıyndarǵa ókinishke qaraı, Ulytaý oblysynyń ókilderi qatyspaıdy. Bul óńirden birde-bir sportshy Azıadaǵa lıenzııa ala almady.