SportPress.kz Qazaqstan sport jańalyqtary
Ázerbaıjannyń astanasy Bakýde ótken qazaq kúresinen XII álem chempıonaty tól kúrestiń halyqaralyq deńgeıdegi básekesi jyl ótken saıyn kúsheıip kele jatqanyn kórsetti, dep habarlady Qazaq Kuresi Assoıaııasynyń baspasóz qyzmeti.
Eki kúnge sozylǵan dodaǵa 24 elden 159 sportshy qatysyp, erler men áıelder arasynda 16 salmaq dárejesi boıynsha álem chempıondary anyqtaldy. Sonyń 11-inde Qazaqstannan ózge memleketterdiń balýandary jeńiske jetti.
Baký bozkilemindegi nátıjeniń basty ereksheligi de osynda. Buǵan deıin halyqaralyq jarystarda Qazaqstan balýandardyń basymdyǵy jıi baıqalsa, bıylǵy álem chempıonatynda birneshe memlekettiń ókilderi altyn júldege talasyp qana qoımaı, chempıon atandy. Bul qazaq kúresiniń shetelde tek qatysýshylar sanymen emes, sporttyq sheberlik deńgeıi jaǵynan da damyp kele jatqanyn ańǵartty.
Erler arasyndaǵy segiz salmaqtyń beseýinde sheteldik sportshylar top jardy. Atap aıtqanda, 66 kelide Tájikstan ókili Abdýlfız Mýstafoı, 82 kelide onyń otandasy Navrýz Karımzod álem chempıony atandy. Grýzııalyq balýandar da eki altyn ıelendi: 90 kelide Gıorgı Kaıashvılı, +100 kelide Gıorgı Chagelıshvılı qarsylastarynan basym tústi. 100 kelide Ázerbaıjan ókili Týnjaı Shamıl chempıon boldy.
Qazaqstan quramasy erler arasynda úsh salmaqta altyn aldy. 55 kelide Rýzımon Týgýshev, 60 kelide Ernur Súleımen, 74 kelide Jumajan Qojambekov qurmet tuǵyrynyń eń bıik satysynan kórindi.
Atap aıtqanda, álem chempıonatynyń bas demeýshisi – «Samuryq-Qazyna» ulttyq ál-aýqat qory» AQ, al demeýshisi – Sport Qory sportty qoldaý qory bolǵanyn atap ótken jón. Sóıtip, erler arasyndaǵy jalpykomandalyq esepte Qazaqstan 155 upaımen birinshi orynǵa ıe bolsa, Grýzııa 145 upaımen ekinshi, Tájikstan 120 upaımen úshinshi orynǵa turaqtady.
Áıelder beldesýinde halyqaralyq báseke odan da aıqyn kórindi. Segiz salmaqtyń altaýynda sheteldik balýandar jeńiske jetti. 48 kelide Iran ókili Shıva Alıshah Djahangırı altyn alsa, О́zbekstan quramasy birden úsh álem chempıonyn shyǵardy. Mýbınaboný Valıdjonova 52 kelide, Sevınch Toshpýlatova 56 kelide, Tıllo Honımkýlova 60 kelide chempıon boldy.
70 kelide jarys qojaıyny Ázerbaıjannyń ókili Gúnel Gasanly top jardy. Al eń aýyr salmaqta Italııa sportshysy Eleonora Gettı álem chempıony atandy. Eýropalyq balýannyń qazaq kúresinen álemdik dodada altyn alýy tól kúrestiń geografııasy keńeıip kele jatqanynyń taǵy bir kórinisi boldy.
Qazaqstan áıelder quramasynan Sezim О́teýli 65 kelide, Nazerke Tileýhanova 77 kelide álem chempıony atandy. Áıelder arasyndaǵy jalpykomandalyq esepte Qazaqstan 141 upaımen birinshi, О́zbekstan 123 upaımen ekinshi, Grýzııa 115 upaımen úshinshi oryn aldy.
Osylaısha, Bakýde sarapqa salynǵan 16 altyn medaldiń beseýi Qazaqstanǵa, qalǵan 11-i sheteldik balýandarǵa buıyrdy. Tájikstan, Grýzııa, Ázerbaıjan, О́zbekstan, Iran men Italııa sportshylarynyń álem chempıony atanýy qazaq kúresiniń halyqaralyq deńgeıdegi básekesi birtindep jańa sıpat alyp kele jatqanyn kórsetti.
Sońǵy jyldary qazaq kúresiniń halyqaralyq baılanystary da keńeıip keledi. Atap aıtar bolsaq, Qazaq Kuresi Assoıaııasy 2022 jyly United World Wrestling (UWW) uıymynyń tolyqqandy múshesi bolǵan edi. Buǵan deıin Álem, Azııa, Eýropa, Afrıka chempıonattary men Álem kýboktary ár qurlyqta uıymdastyrylyp, qazaq kúresiniń halyqaralyq jarystar júıesi qalyptasty.
Búginde qazaq kúresi álemniń 40-tan astam elinde damyp keledi. Baký chempıonaty sol jumystyń naqty nátıjesin kórsetti: sheteldik sportshylar endi qazaq kúresine tek qatysyp qana qoımaı, onyń ádis-tásilderin meńgerip, álemdik deńgeıde júlde úshin kúrese alatyn dárejege jetti.
Bakýdegi álem chempıonatynyń basty qorytyndysy da medal sanymen ǵana ólshenbeıdi. 24 eldiń basyn qosqan dodada ártúrli kúres mektebinen kelgen balýandardyń chempıon atanýy qazaq kúresiniń halyqaralyq sport keńistigindegi aýqymy men básekesin keńeıte tústi.
