SportPress.kz Qazaqstan sport jańalyqtary
Qazaqstan kúres federaııasynyń tóraǵasy Erkin Oqasov Birikken kúres álemi uıymy (United World Wrestling) bıýrosynyń múshesi bolyp saılandy, dep habarlady Qazaqstan kúres federaııasynyń baspasóz qyzmeti.
Federaııa baspasóz qyzmetiniń málimetine qaraǵanda, saılaý búgin Astanada Birikken kúres álemi uıymynyń kezekti kongresinde boldy.
Oǵan UWW basshylyǵy men álemniń ár elinen kelgen ulttyq federaııalardyń delegattary qatysty. Jıynnyń kún tártibindegi negizgi máselelerdiń biri uıymnyń prezıdenti men Bıýro múshelerin saılaýǵa arnaldy.
«Osy basqosýda Qazaqstan kúres federaııasynyń tóraǵasy Erkin Oqasov 117 delegattyń daýysyn jınap, UWW bıýrosynyń quramyna endi. Bul sheshim Qazaqstannyń halyqaralyq kúres qaýymdastyǵymen baılanysyn odan ári nyǵaıtyp, álemdik kúrestiń damýyna qatysty mańyzdy máselelerdi talqylaýǵa jáne sheshim qabyldaýǵa múmkindik beredi.
Erkin Qadyrǵalıulynyń jetekshiligimen Qazaqstan kúres federaııasy halyqaralyq yntymaqtastyqty keńeıtý, iri halyqaralyq jarystardy elimizde ótkizý jáne otandyq kúresti damytý baǵytynda jumys júrgizip keledi», delingen habarlamada.
Astanada ótken UWW Kongresi álemdik kúrestiń aldaǵy damý baǵyttaryn aıqyndaıtyn mańyzdy jıyndardyń biri. Kongress aıasynda uıymnyń 2026-2032 jyldarǵa arnalǵan strategııasy, tóreshilik júıesi, qarjylyq jáne uıymdastyrýshylyq máseleler, sondaı-aq 2028 jylǵy Los-Andjeles Olımpıadasyna daıyndyq máselesi qaraldy.
Birikken kúres álemi uıymynyń bıýrosy – uıymynyń negizgi basqarý organdarynyń biri. Bıýro halyqaralyq kúrestiń damýy, jarystardy uıymdastyrý, sporttyq jáne strategııalyq máseleler boıynsha mańyzdy sheshimder qabyldaýmen aınalysady.
Erteń Astanadaǵy «Barys Arena» sport kesheninde grek-rım, erkin jáne áıelder kúresinen eresekter arasyndaǵy álem chempıonaty bastalady. Dúrmekti doda 1 qarashaǵa deıin bolady. Jyldyń basty dodalarynyń birine 135 elden 900-den astam sportshy qatysady.
