Grek-rım kúresinen qorjynǵa úsh júlde tústi

Astanada kúres túrlerinen ótip jatqan kúresten álem chempıonatynda grek-rım kúresinen beldesýler aıaqtaldy. Qazaqstan quramasy úsh qola medal jeńip aldy.

24 qazanda bastalǵan álem chempıonatynda elimizdiń atynan on salmaq dárejesinde on balýan synǵa tústi. Alǵashqy eki medaldi Ishar Kýrbaev pen Aıdos Sultanǵalı ıelense, Baǵdat Sabaz úshinshi qola júldeni el qorjynyna saldy.

Qazaqstan kúres federaııasynyń habarlaýynsha, 55 kelide beldesken Ishar Kýrbaev jarysty qatarynan úsh jeńispen bastady. Aldymen japonııalyq Kagetora Okamotony, keıin ózbekstandyq Ihtııor Botırov pen moldovalyq Artıom Delıanýdy jeńip, jartylaı fınalǵa shyqty. Bul kezeńde ırandyq Paıam Ahmadıge ese jibergenimen, qola medal úshin kúreste Úndistan ókili Lalıtti 9:0 esebimen jeńdi. Nebári 1 mınýt 28 sekýndqa sozylǵan beldesýde Ishar tehnıkalyq basymdyqpen jeńiske jetip, el qorjynyna alǵashqy júldeni saldy.

«Qazaqstan quramasynyń ekinshi qola medalin 60 kelide óner kórsetken Aıdos Sultanǵalı jeńip aldy. Byltyr Zagrebte álem chempıony atanǵan otandasymyz alǵashqy aınalymda reseılik Ánýar Allahııarovtan, shırek fınalda ázerbaıjandyq Mýrad Mammadovtan basym tústi. Alaıda, jartylaı fınalda japonııalyq Koto Gomıge 1:5 esebimen jol berdi. Úshinshi oryn úshin beldesýde Aıdos Sultaǵalı Parıj Olımpıadasynyń kúmis júldegeri, qytaılyq ao Lıgýony 5:1 esebimen jeńip, álem chempıonattaryndaǵy júldeleriniń qataryn tolyqtyrdy.

67 keli salmaqta synǵa túsken Baǵdat Sabaz týraly buǵan deıin habarlaǵanbyz. Ol Qazaqstan quramasyna úshinshi qola medaldi alyp berdi. Balýan jarysta qyrǵyzstandyq Razzak Beıshekeevti 8:4 esebimen jeńip, kelesi aınalymda Bolgarııa ókili Abý Amaevtan 7:5 esebimen basym tústi. Alaıda, ol shırek fınalda Parıj Olımpıadasynyń chempıony, ırandyq Saıd Esmaılıge 2:7 esebimen ese jiberdi. Iran balýany fınalǵa shyqqandyqtan, Baǵdat Sabaz jubanysh beldesýine qatysý múmkindigin aldy. Bul kezeńde Qytaı ókili zın Sınsındi jeńip, qola medal úshin beldesý múmkindigine ıe boldy. Úshinshi oryn úshin kúreste otandasymyz Parıj Olımpıadasynyń qola júldegeri, ázerbaıjandyq Hasrat Djafarovty 8:5 esebimen jeńip, álem chempıonatynyń qola medalin ıelendi», delingen habarlamada.

О́zge salmaq dárejelerinde de balýandar birqatar jeńiske jetkenimen, júldeli oryndardy almady. Osylaısha, Astanadaǵy álem chempıonatynda Qazaqstannyń grek-rım kúresi quramasy úsh qola medalmen jarysty qorytyndylady.

Dastan KENJALIN,

ASTANA