SportPress.kz Qazaqstan sport jańalyqtary
Birikken kúres áleminiń (UWW) prezıdenti Nenad Lalovıch Astanada kúres túrlerinen ótken álem chempıonatynyń uıymdastyrylýyna jaqsy baǵa berdi, dep habarlaıdy SportPress.kz.
Bıylǵy álemdik doda 1 qarashada máresine jetti. Osy kúni Astanadaǵy «Barys Arena» sport kesheninde álem chempıonaty saltanatty jaǵdaıda aıaqtalyp, jer-júziniń 135 elinen kelgen 900-den astam balýan óz elderine qaıtty.
Astanadaǵy dúrmekti doda toǵyz kúnge sozyldy. Osy ýaqytta balýandar 30 salmaq dárejesinde júldelerdi sarapqa saldy.
Qalaǵa arnaıy alys-jaqyn elderden kelgen qonaqtar kúrestiń jaqsy ótkenin de aıtty. Jarys týraly chempıonattyń jabylý saltanatynda Birikken kúres áleminiń (UWW) prezıdenti Nenad Lalovıch te óz pikirin bildirdi. Ol álemdik dodanyń uıymdastyrylýyna óte jaqsy baǵa berdi. Mártebelimeıman elimizdiń nebári 4-5 aıdyń ishinde osyndaı aýqymdy halyqaralyq jarysty ótkizýge daıyndalyp, barlyq uıymdastyrýshylyq mindetti laıyqty deńgeıde atqara alǵanyn erekshe atap ótti.
«Bul erekshe álem chempıonaty boldy. Jarystyń qanshalyqty tıisti deńgeıde uıymdastyrylǵanyna barlyǵymyz kýá boldyq. Osy aýqymdy dodanyń ótýine atsalysqan árbir azamatqa shynaıy alǵysymdy bildiremin. Chempıonat óz máresine jetkenimen, álemdik kúrestiń tarıhynda taǵy bir jarqyn beles bolyp qalmaq.
Astanadaǵy álem chempıonaty barshamyzdyń esimizde erekshe áserimen, jyly estelikterimen saqtalatynyna senimdimin», dedi Nenad Lalovıch.
Osydan keıin UWW prezıdenti álem chempıonatyn jaqsy uıymdastyrǵany úshin Qazaqstan kúres federaııasynyń tóraǵasy Erkin Oqasovqa halyqaralyq uıymnyń atynan arnaıy estelik syılyq pen chempıondarǵa arnap tigilgen RUDIS kompanııasynyń jeıdesin tabys etti. Osy arada aıta ketetin bir nárse, mundaı marapat elimizdiń kúres tarıhynda alǵash ret berilip otyr.
О́z kezeginde Qazaqstan kúres federaııasynyń tóraǵasy Erkin Oqasov chempıonatty uıymdastyrýǵa atsalysqan azamattarǵa alǵysyn bildirip, ulttyq quramanyń jarystaǵy nátıjesine qatysty óz ustanymyn ashyq aıtty.
Ol balýandardan budan da jaqsy kórsetkish kútkenin, aldaǵy ýaqytta nátıjeni jaqsartý federaııa jumysynyń basty mindeti bolatynyn atap ótti.
Saltanatty rásiminde álem chempıonatynyń aýyspaly týy 2027 jylǵy dodany uıymdastyratyn AQSh delegaııasynyń ókilderine tapsyryldy.
Osylaısha, toǵyz kún boıy álemdik kúres qaýymdastyǵynyń nazarynda bolǵan Astanadaǵy chempıonat resmı túrde aıaqtaldy.
«Qazaqstan kúres federaııasy aldaǵy ýaqytta ulttyq quramalardyń daıyndyǵyn kúsheıtýge, jattyqtyrýshylar men sportshylardyń jumysyn jetildirýge jáne halyqaralyq jarystardaǵy nátıjeni jaqsartýǵa basymdyq beredi.
Federaııa ujymy tóraǵa belgilegen mindetterdi iske asyrý úshin birlese jumys atqarýǵa daıyn. Basty maqsat – balýandardyń álemdik arenadaǵy básekege qabilettiligin arttyryp, jankúıer senimin aqtaý», dep habarlady Qazaqstan kúres federaııasynyń baspasóz qyzmeti.
Eske sala ketsek, Grek-rım kúresiniń sheberleri bastap bergen álem chempıonatyn áıelder kúresi men erkin kúres balýandary túıindedi. О́kinishke qaraı, elorda tórindegi álemdik dodada elimizdiń Ánurany shyrqalmady.
Bıylǵy kúres túrlerinen álem chempıonatynda Qazaqstan quramasy bes medal jeńip aldy. Onyń ishinde bir kúmis jáne tórt qola júlde bar. Ulttyq qurama jalpykomandalyq esepte 15-orynǵa ıe boldy.
