ۆولەيبولدان جاستار ليگاسىنىڭ ەكىنشى تۋرى باستالدى

2026–2027 جىلعى ماۋسىم كۇنتىزبەسىنە سايكەس، ۆولەيبولدان جاستار ليگاسىنىڭ ەكىنشى تۋرى وقۋشىلاردىڭ كۇزگى دەمالىسى قارساڭىندا ەلىمىزدىڭ بەس وڭىرىندە وتەدى.

ۇلدار اراسىنداعى ويىندار ءتورت جاس ساناتى بويىنشا ۇيىمداستىرىلادى. 2014–2015 جىلى تۋعان سپورتشىلار وسكەمەن قالاسىندا، 2012–2013 جىلى تۋعاندار شيەلى اۋدانىندا، 2010–2011 جىلى تۋعاندار شىمكەنت قالاسىندا باق سىنايدى. ال 2009 جىلى تۋعان جانە ودان كىشى جاستاعى ويىنشىلار قازالى اۋدانىندا جارىسقا تۇسەدى.

قىزدار اراسىندا 2014–2015 جانە 2012–2013 جىلى تۋعان سپورتشىلار وسكەمەن قالاسىندا ونەر كورسەتسە، 2010–2011 جىلى تۋعاندار تالدىقورعاندا، 2009 جىلى تۋعان جانە ودان كىشى جاستاعىلار پاۆلودار قالاسىندا كۇش سىناسادى.

جاستار ليگاسىنىڭ جاڭا ماۋسىمى ءتورت تۋردان تۇرادى. ەل چەمپيوندارى 2027 جىلى بارلىق تۋردىڭ قورىتىندىسى بويىنشا انىقتالادى.

بيىلعى ماۋسىمدا بالالار مەن جاسوسپىرىمدەر سپورت مەكتەپتەرىنىڭ تاربيەلەنۋشىلەرىمەن قاتار، جەكەمەنشىك ۆولەيبول اكادەميالارىنىڭ ويىنشىلارى دا جارىسقا قاتىسادى. بۇل كوماندالار اراسىنداعى باسەكەلەستىكتى ارتتىرىپ، جاس ۆولەيبولشىلاردىڭ شەبەرلىگىن شىڭداۋعا مۇمكىندىك بەرەدى.

نۇرپەيىس قونىسباي،

ۆولەيبولدان مەملەكەتتىك جاتتىقتىرۋشى