SportPress.kz Qazaqstan sport jańalyqtary
2026–2027 jylǵy maýsym kúntizbesine sáıkes, voleıboldan jastar lıgasynyń ekinshi týry oqýshylardyń kúzgi demalysy qarsańynda elimizdiń bes óńirinde ótedi.
Uldar arasyndaǵy oıyndar tórt jas sanaty boıynsha uıymdastyrylady. 2014–2015 jyly týǵan sportshylar О́skemen qalasynda, 2012–2013 jyly týǵandar Shıeli aýdanynda, 2010–2011 jyly týǵandar Shymkent qalasynda baq synaıdy. Al 2009 jyly týǵan jáne odan kishi jastaǵy oıynshylar Qazaly aýdanynda jarysqa túsedi.
Qyzdar arasynda 2014–2015 jáne 2012–2013 jyly týǵan sportshylar О́skemen qalasynda óner kórsetse, 2010–2011 jyly týǵandar Taldyqorǵanda, 2009 jyly týǵan jáne odan kishi jastaǵylar Pavlodar qalasynda kúsh synasady.
Jastar lıgasynyń jańa maýsymy tórt týrdan turady. El chempıondary 2027 jyly barlyq týrdyń qorytyndysy boıynsha anyqtalady.
Bıylǵy maýsymda balalar men jasóspirimder sport mektepteriniń tárbıelenýshilerimen qatar, jekemenshik voleıbol akademııalarynyń oıynshylary da jarysqa qatysady. Bul komandalar arasyndaǵy básekelestikti arttyryp, jas voleıbolshylardyń sheberligin shyńdaýǵa múmkindik beredi.
Nurpeıis QONYSBAI,
voleıboldan memlekettik jattyqtyrýshy
