• Қазақ
  •   
  • Qazaq
  •   
  • قازاق
  •   
  • Рус
  •   
    Ulttyq Olımpıada komıteti

    Qazaqstan konkıshileri Álem kýbogyn bir júldemen aıaqtady

    Qytaıdyń Beıjiń qalasynda konkımen júgirýden 2026/27 maýsymyndaǵy Álem kýbogynyń alǵashqy kezeńi óz máresine jetti, dep habarlady SportPress.kz.

    Ulttyq Olımpıada komıtetiniń málimetine qaraǵanda, úsh kúnge sozylǵan jarys qorytyndysy boıynsha Qazaqstan quramasy bir kúmis medal jeńip aldy.

    Ulttyq qurama qorjynyna jalǵyz júldeni Krıstına Shýmekova saldy. Ol A dıvızıonynda 1000 metr qashyqtyqta 1 mınýt 15,65 sekýnd nátıjesimen ekinshi orynǵa ıe boldy. Sondaı-aq sportshy V dıvızıonynda 1500 metrde toǵyzynshy, 3000 metrde altynshy oryn aldy.

    Eń myqty sportshylar synǵa túsken A dıvızıonyndaǵy 500 metr qashyqtyqta Krıstına Sılaeva men Evgenıı Koshkın óner kórsetti. Alǵashqy jarysta Sılaeva 11-oryn alsa, ekinshi jarysta 15-orynǵa turaqtady. Koshkın sáıkesinshe, qos saıystyń qorytyndysy boıynsha 13-shi jáne 15-shi oryndarǵa ıe boldy. Budan bólek, Sılaeva 1000 metr qashyqtyqta 20-orynǵa jaıǵasty.

    V dıvızıonynda Alına Daýranova 500 metr qashyqtyqtaǵy alǵashqy jarysta toǵyzynshy, ekinshisinde 12-oryn aldy. Artýr Galıev osy qashyqtyqtaǵy alǵashqy jarysty 18-orynmen aıaqtasa, 1000 metrde 17-nátıje kórsetti. Al Nıkıta Vajenın 500 metrdegi ekinshi jarysta 19-orynǵa turaqtady.

    1500 metr qashyqtyqta V dıvızıonynda Marııa Degen 17-oryn alsa, Inessa Shýmekova 18-satyǵa jaıǵasty. Nuraly Aqjol márege 20-bolyp jetti. Al 1000 metrde Inessa 16-nátıje kórsetse, Darıa Vajenına 21-oryn aldy.

    Marııa Degen 3000 metr qashyqtyqta 14-orynǵa turaqtady. Al Vadım Iakýbovskıı 5000 metrde 17-nátıje kórsetti. Ekeýi de V dıvızıonynda óner kórsetti.

    Jarystyń sońǵy kúninde komandalyq iz kesý saıysy ótti. Marııa Degen, Krıstına jáne Alına Shýmekovalardan quralǵan Qazaqstan áıelder quramasy A dıvızıonynda 3 mınýt 5,85 sekýnd nátıjesimen jetinshi oryn aldy.

    Andreı Zýev, Vadım Iakýbovskıı jáne Vıtalıı Щıgolev óner kórsetken erler quramasy V dıvızıonynda 3 mınýt 53,88 sekýnd nátıjesimen altynshy orynǵa ıe boldy.

    Sondaı-aq Alına Shýmekova áıelder arasynda mass-startta toǵyzynshy oryn aldy.

    Álem kýbogynyń kelesi kezeńi 20-22 qarasha kúnderi Japonııanyń Obıhıro qalasynda ótedi.

     

     

    Pikir jazý

    Your email address will not be published. Required fields are marked *

    *