Astanada «Naýryz meıramy»  merekelik velosherýi ótti

21 naýryz kúni Astanada «Saryarka» velotreginiń aýmaǵynda Jastar jylyna arnalǵan «Naýryz meıramy» merekelik velosherýi ótti.

Sharany Mádenıet jáne sport mınıstri  Arystanbek Muhamedıuly ashty. Velosherýde birinshi oryndy erler arasynda Erjan О́mirqul jeńip aldy.  Ekinshi oryndy Danııar Quttybek, úshinshi oryndy Andreı Kreıs ıelendi. Áıelder arasynda birinshi bolyp márege  Anastasııa Larova kelse, ekinshi bolyp Jansaıa Ábdýkárimova jetti. Al úshinshi orynǵa Lázzat  Ramazanova ıe boldy.

Eresekter arasynda birinshi oryndy Saǵdat Sergebaev alsa, áıelder arasynda Lázzat Ramazanova qurmet tuǵyryna kóterildi. Erler arasynda jarysqa qatysqan úzdik jas sportshy bolyp Tımýr Seıitbekov, qyzdar arasynda Anastasııa  Larova atandy.

Barlyq qatysýshylar 6 shaqyrym júrip ótti. Sonymen qatar, sportshylar armrestlıng, asyq atý, toǵyzqumalaq, kúres, gir kóterý boıynsha óner kórsetti. Merekelik shara kezinde qazaqtyń salty boıynsha tusaý keser rásimi ótti.

Jarys buqaralyq sport túrlerin damytý, ony halyq arasynda nasıhattap, salamatty ómir saltyn qalyptastyrý maqsatynda ótkizildi.

Rústem JUMAN,

ASTANA