ۋنيۆەرسيتەتتىڭ ىستەرى بارىنە ۇلگى

قامقورلىق بولعان جەردە تابىس تا بولادى. بۇل اكسيوما. تالانتتى سپورتشىلاردى تاني ءبىلىپ، ولارعا جاعداي تۋعىزعان ورتا، بەلگىلى ءبىر جەتىستىكتەرگە جەتەرى حاق. الماتىدا كوپتەگەن كونە سپورت ورىندارى بار. سولاردىڭ ءبىرى – م. گوركي اتىنداعى ورتالىق ساياباقتاعى ستاديون بۇگىنگى كۇنى جاڭا زامان اعىمىنا ساي جاساندى توسىنىشتەرمەن جاڭارىپ، حالىق يگىلىگى ءۇشىن قىزمەت ەتۋگە دايىن.

كوپ جىلدىق تاريحى بار بۇل ستاديوندا كەزىندە قانشاما ءدۇبىرلى جارىستار ءوتتى دەسەڭىزشى. بۇل ستاديون اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ قاراماعىندا بولعاندىقتان، ايتۋلى وقۋ ورداسىنىڭ ستۋدەنتتەرى وسى سپورت الاڭىندا دەنەشىنىقتىرۋ جانە سپورت ساباقتارىن وتكىزىپ كەلەدى.

قازىر «سپارتاك» ستاديونىنىڭ سوڭعى قۇرىلىس جۇمىستارى اياقتالىپ كەلەدى. ستاديونىنىڭ ديرەكتورى اسقاربەك بايسوۆتىڭ ايتۋىنشا، جۋىق ارادا ول تۇگەلدەي  پايدالانۋعا بەرىلەدى. ازىرگە جاساندى سۋ جاڭا توسەنىشتەر توسەلىپ بولىپ، قۇرىلىستىڭ سوڭعى جۇمىستارى جاسالىنىپ جاتىر. «جاقسى كەلدى دەگەنشە، جارىق كەلدى»، – دەمەكشى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى، الماتى ايماعى جوو رەكتورلار كەڭەسىنىڭ توراعاسى تاكير وسپان ۇلى بالىقباەۆ  مىرزا ستاديوننىڭ تولىقتاي قۇرىلىسىن قايتا جاساۋ باعىتىندا بەلسەنە ىسكە ارلاسقان ەكەن. مىنە، ەندى اۋقىمدى اتقارىلعان جۇمىستاردىڭ جەمىسى  دە كورىنە باستاعان سەكىلدى. قولداۋ باردا تابىس تا كوپ كۇتتىرمەسى بەلگىلى. ايتۋلى ءبىلىم ورداسىنىڭ ستۋدەنتتەرى قالالىق سپارتاكيادا جارىستارىندا سپورتتىڭ  ۆولەيبول مەن شاعىن فۋتبول سەكىلدى تۇرلەرىنەن ۇزدىك ويىن ورنەگىن كورسەتىپ، ءبىرىنشى ورىندى جەڭىپ العان. سونداي-اق، 25-28 ناۋرىز كۇندەرى تالدىقورعان قالاسىندا ارمرەستلينگتەن وتكەن «دەنى ساۋ ۇرپاق – ەل بولاشاعى» اتتى قازاقستان چەمپيوناتىنا قاتىسقان  اباي اتىنداعى قازۇپۋ تاريح جانە قۇقىق ينستيتۋتىنىڭ 1-كۋرس ستۋدەنتى كوبەي داۋلەت ۇلى التىن جۇلدەنى جەڭىپ الىپتى. ەندى تالانتتى جاس ماۋسىم ايىندا كورشىلەس قىرعىزستاندا وتەتىن ازيانىڭ وليمپياداسىندا ەلىمىزدىڭ نامىسىن قورعايتىن بولادى. سونىمەن قاتار ۋنيۆەرسيتەتتىڭ دارىندى جاستارى كاراتە، قازاق كۇرەسى دەگەن سياقتى سپورت تۇرلەرىنەن ەلىمىزدە عانا ەمەس حالىقارالىق، الەمدىك جارىستاردا جۇلدە الىپ، ەل نامىسىن ابىرويمەن قورعاپ كەلەدى.

جۋىردا وسى ءبىلىم شاڭىراعىنىڭ تالانتتى ستۋدەنتتەرى زەرە كاريموۆا، الينا قاباەۆا، دانا قازتاي مەن تالعات قايىرماعانبەتوۆتەر كەكۋشينكاي كاراتە-دو جەكپە-جەگىنەن استانادا وتكەن الەم چەمپيوناتىنىڭ قولا جۇلدەلەرىن جەڭىپ الدى. سونىمەن بىرگە وسى وقۋ ورداسىنىڭ دايىندىق بولىمىندە ءدارىس الىپ جۇرگەن جاس سپورتشى ەۋروپانىڭ قولا جۇلدەگەرى، ەل چەمپيونى، قازاقستان رەسپۋبليكاسىنىڭ سپورت شەبەرى رايىمبەك مايدانباي بولاشاقتا الەم چەمپيوناتىن جەڭىپ الىپ، ەلىمىزدىڭ كوك بايراعىن كوكتەن جەلبىرەتۋدى ارمان ەتەدى.

ءيا، «ارمان دەگەن، ءبىر بەلەس بىرىنە شىقساڭ ءبىرى بار» – دەگەندەي، تالانتتى كاراتە شەبەرىنىڭ ماقساتى اسقاق، ارمانى بيىك. دەگەنىنە  جەتسىن دەپ تىلەۋ تىلەدىك. ارينە، جەڭىستىڭ  ءبارى جاتتىعۋدا ايانباي توككەن تەردىڭ ارقاسىندا كەلەدى. سونى جاقسى بىلەتىن رايىمبەك ساباقتان بوساي قالسا بولدى، سپورت زالعا كەلىپ، شۇمەكتەپ تەر توگەدى ەكەن. باق  ەڭبەكتەنگەن جانعا قونارى انىق. اسىرەسە، «ۇستازسىز شاكىرت تۇل» – دەمەكشى، ۇلكەن سپورت الەمىنە قاناتىن قامدام، شىڭداپ جاتقان قازاقستان رەسپۋبليكاسىنىڭ سپورت شەبەرى، جوعارى دەڭگەيدەگى جاتتىقتىرۋشى، ەكىنشى دان قارا بەلبەۋ يەگەرى اقمىرزا كەنجەباەۆقا شاكىرتتەرىنىڭ ايتار العىسى شەكسىز.

جالپى، ايتۋلى ۋنيۆەسيتەتتە وقي ءجۇرىپ سپورتپەن شۇعىلدانىپ، جاقسى كورسەتكىشكە جەتىپ جاتقان ستۋدەنتتەردىڭ بارلىعى وسى ءبىلىم شاڭىراعىندا  سپورتقا دەگەن وڭدى كوزقاراستىڭ ناتيجەسىندە ەكەندىگىن كورۋگە بولادى. قامقورلىق بولعان جەردە وسىنداي تولىمدى تابىستاردا كوپ كۇتتىرمەي جاتاتىنى زاڭدىلىق. قازاق كۇرەسىنەن دە اۋىز تولىتىرىپ ايتارلىقتاي تابىستاردى بايقاۋ قيىن ەمەس.

جۋىردا ءتول كۇرەسىمىزدەن وتكەن ەل بىرىنشىلىگىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتى جورابەك ەرسۇلتان  اۋىر سالماقتاعى باسەكەدە الدىنا جان سالماي  جۇلدە ولجالاپتى. قازاق كۇرەسىنەن الەم چەمپيوناتىنىڭ كۇمىس جۇلدەگەرى،  اباي اتىنداعى قازۇپۋ دەنە مادەنيەتى جانە سپورت كافەداراسىنىڭ ۇستازى ەركىن سايدوقوۆتىڭ قاراماعىندا جاتتىعاتىن بالۋاندار وسىلايشا تولىمدى تابىستارعا جەتىپ كەلەدى. ويتكەنى، قارعا سويسا دا قاساپشى سويسىن-دەمەكشى، بىلىكتى مامان، تانىمال سپورتشىدان ساباق العان شاكىرت قالايدا بەلگىلى ناتيجەگە جەتەتىنى بەلگىلى. تەك بويىندا سپورتقا، ۇلتتىق كۇرەسكە دەگەن سۇيسپەنشىلىگى بولسا بولعانى. ال نەگىزى سپورتقا جاناشىرلىق، قامقورلىق بولعان جاعدايدا جەتىستىكتە بولارى ءسوزسىز. سوندىقتان دا ۋنيۆەرسيتەت تارپىنان جاسالىنىپ جاتقان بارلىق جاعدايلار ستۋدەنت جاستار ءۇشىن ەكەنى بەلگىلى. ال، ەگەمەندى ەلىمىزدىڭ ەرتەڭى جاستاردىڭ قولىندا.

اقىن ورداباي ۇلى

 الماتى