«О́lisin rıza qylatyn…» Amerıka-aı!!!

…Amerıkanyń kóp ádetin, kóp ǵurpyn qabyldamaı jatamyz. Ol jón de shyǵar. О́ıtkeni ondaı qasıet ózimizde de, elimizde de joq! Alysqa ketpeıin. Taıaýda Ulttyq Basketbol Qaýymdastyǵy tarıhynda óshpes iz qaldyrǵan oıynshy Kobı Braıant tutqıyl kelgen ajaldan qaıtys boldy. Sodan beri búkil Amerıka aza tutyp, kóz jastaryn tııa almaýda.

Bul 300 mıllıonǵa taıaý halyq turatyn eldiń bári basketbol oınaǵan joq qoı! Olar tek uly eldiń uly bir balasy kelmeske ketkenine qaıǵyryp jylap jatyr! …Sol kúnnen beri men de qapalymyn. Basketboldy Kobı Braıantsha oınaǵan jan joq. Iá, Maıkl Djordan ǵajap boldy. Múmkin ol Kobıden de uly bolǵan shyǵar. Soǵan qaramaı basketbol bilgirleri Maıkl Djordandy emes, Kobı Braıantty NBA-nyń sımvoly etip qaldyrý ıdeıasyn usynyp jatyr! О́ıtkeni bul elde ulydan keıin ósip shyqqan talantty ulylyq taǵyna mingize bilý qasıeti keń taraǵan. Kobı shynymen uly oıynshy boldy. Onyń «Leıkerstiń» quramynda júrip, bir ózi Toronta komandasynyń shyǵyrshyǵyna 81 (!!!) dop tastaýy tarıhta endi qaıtalanbaıtyn da shyǵar. Biz aýyz ashyp, tańdanatyn VTB tobyndaǵy keıbir komandalar bir oıynda búkil ujym bolyp 81 dop tastaı almaıtyn kezderi bolady.

…Búginde búkil Amerıkany, ásirese, Los-Anjelesti órtep turǵan qaıǵydan jer túbinde otyryp, sen de jylaısyń! Kósheniń tas alańdaryna, bıik-bıik úılerdiń qabyrǵalaryna Kobıdiń tiri beınesin kestelep alyp, sonyń mańyna myńdap jınalyp, múmkin bolǵan jıyndy jerlerge onyń esik pen tórdeı sýretin kóterip baryp, aınalyp-tolǵanyp, jylap-syqtap jatqan halyqty kórgende solardyń árqaısysy-aq týǵanynan-týysynan aırylyp qalǵandaı áser beredi. Bul ol eldiń asylyn baǵalaı biletindigine, aıaýlysyn saǵyna biletinine, ulysyn ulyqtaı biletinine kýá!!!

…Bul máseleniń qazaqqa qatysy bolmasa men aýyz da aýyrtpas edim. Amerıkany Kobıdiń qazasy munsha kúıdirgende, keshegi bıshi-ánshi Maıkl Djeksonnyń, uly boksshy Muhammed Álıdiń qazalary esime túsedi. Djeksondy aıdan asa ýaqyt jer qoınyna bermeı, denesin altyn tabytqa salyp alyp, Amerıkany aralatyp júrip konert qoıdy. О́zi Olımpıada chempıony bolǵan Muhammed Álıdi keıin tilden qalǵannyń ózinde eki Olımpıadaǵa aparyp, birinde alaý jaqtyrdy, birinde Olıpıadany aralatyp, aıaq-qoly selkildegen jandy álem sportshylaryna tábárik etip kórsetip júrdi! Al, bizde she? Pekın Olımpıadasynyń ekinshi jartysyna barǵan qazaqtyń Qajymuqannan keıingi bas balýany Ábilseıit Aıhanov aǵamyzdyń: «Bul meniń tuńǵysh kórgen Olımpıadam! Múmkin sońǵysy da bolar…» dep jylap turǵanyn kórý qaı qazaqy júrekke jeńil bolsyn! Sol Ábil aǵany keıinnen ómirden ozǵanda jeti kún aza tutpaq túgili, el bolyp laıyqty shyǵaryp ta salmady! Qazaqtyń Pelesi atanǵan Tımýr Segizbaev aǵamyz da ómirdegi basqan izi bilinbeıtin óz minezindeı kóp janǵa jarııa bolmaı attandy baqıǵa! Qazaqtyń tuńǵysh Olımpıada júldegeri, 60-shy jyldardyń Ýseın Bolty, Ǵusman Qosanov aǵamyz ózin qor sanaǵandardyń mazaǵyna shydamaı, erte ozdy ómirden. Muhammed Álıdi qazaq tuqymynda qaıtalaǵan qypshaq batyry, qaıta týmas Ábdisalan Nurmahanov aǵamyzdy aıaq-qoly saý, aqyl-esi durys kezinde-aq laıyqty jumys bermeı, avtoturaqqa jylý jınaýǵa yǵystyryp júrgende bir kápir atyp óltirdi… Al, bul tórt adam da Olımpıada chempıony bolmaǵanmen QAZAQ SPORTYNYŃ SIMVOLDARY bolatyn!

…Ajal Alladan ekenin jaqsy bilemiz. Biraq adamnyń, eldiń qolynan keletini basqa — shyn qaıǵyryp, joqtaı alý, uly talantymen eline, halqyna, ultyna ápergen ataq-dańqyna qaraı este qaldyrý, bolashaq urpaqqa úlgi ete bilý ǵoı! Iaǵnı, О́LINI RIZA ETÝ ǵoı. Ol jaǵynan qazaq ta, QAZAQ ELI de áli kóp tómende jatyr. Men Kobı Braıantqa ǵana emes, soǵan da JYLAÝDAMYN búgin!!!

Nesip JÚNISBAIULY

Obit Bryant Photo Gallery