اعىلشىندار قازاق بالاسىنا قۇرمەت كورسەتتى

بەلگىلى قالامگەر، قازاق سپورت جۋرناليستيكاسىنىڭ ارداگەرى نەسىپ جۇنىسباەۆتىڭ ۇلى ايدىن جۇنىسباەۆ «مانچەستەر يۋنايتەد» (انگليا) جəنە «قايرات» (الماتى) كلۋبتارىنىڭ جانكۇيەرى. سونىمەن بىرگە ول اعىلشىن كومانداسىنىڭ فان-كلۋبىنىڭ مۇشەسى.

جاقىندا نەساعاڭنىڭ الماتىداعى ۇيىنە تۇماندى البيوننان قۋانىشتى حابار كەلىپ جەتتى. ونىڭ ۇلى ايدىن ۋەفا سۋپەركۋبوگى ءۇشىن وتەتىن ماتچقا بيلەتتى جەڭىپ الىپتى. ال بۇل ويىن ماكەدونيادا «رەال» (مادريد) مەن «مانچەستەر يۋنايتەد» كلۋبتارىنىڭ اراسىندا وتەتىنى بەلگىلى.

— بۇل ءبىز ءۇشىن كەرەمەت وقيعا. اعىلشىنداردىڭ اتاقتى كومانداسى ايدىنعا بيلەت جىبەرىپتى. عاجاپ ەمەس پە؟ ءبىزدىڭ كلۋبتار وسىندايدى ىستەي الار ما ەكەن؟!، — دەيدى جازۋشى.

ودان ءəرى ن.جۇنىسباەۆ whatsapp جەلىسىمەن بىزگە جازعان حاتىندا بىلاي دەدى:

— بۇل بيلەتتى əركىم اقشاعا ساتىپ الا الادى. Əۋەلى ايدىن دا سولاي ىستەگىسى كەلگەن. ول بيلەتتىڭ باعاسىن سۇراعاندا انگلياداعى اعايىندار 800 ەۋرو دەپتى. ال قازاقستانداعى الىپساتارلار 700 ەۋرو دەگەن ەكەن. بىراق اعىلشىندار ايدىننىڭ «مانچەستەر يۋنايتەد» كومانداسىنىڭ اتىنا بيلەت سۇراعان حاتىن جəنە ونىڭ فان-كلۋبتىڭ مۇشەسى ەكەنىن ەسكەرىپ، وزدەرىنىڭ جانكۇيەرلەرى اراسىندا 6 000 بيلەتتىڭ لوتورەياسى ويناتىلاتىنىن ايتىپتى. ءسويتىپ، ايدىن سايت ارقىلى لوتورەياعا قاتىسىپ، سونىڭ جەڭىمپازى اتانادى. ءۇش كۇننەن كەيىن انگليادان ايدىنعا 6000 بيلەتتىڭ بىرەۋى بۇيىرعانى تۋرالى حات كەلدى.

نەساعاڭنىڭ ايتۋىنشا، بۇل وقيعانى بالاسىن ناسيحاتتاۋ ءۇشىن ايتىپ جاتقان جوق.

— مۇنى مەن «مانچەستەر يۋنايتەد» سياقتى اتاقتى كوماندانىڭ جانكۇيەرلەرىنە دەگەن قۇرمەتىن كورسەتىپ، سودان قازاقستاندىق كلۋبتاردىڭ ۇلگى السا دەگەن ويمەن ايتىپ وتىرمىن، — دەيدى.

ءبىز دە ن.جۇنىسباەۆتىڭ وسى ويىنا تولىق قوسىلامىز. قازىر قازاق سپورتىنا حالىقتىڭ كومانداعا نەمەسە جەكەلەگەن ادامدارعا جانكۇيەرلىگى عانا ەمەس، سپورتشىلاردىڭ دا وزدەرىنىڭ فاناتتارىنا جاناشىرلىعى كەرەك.

داستان كەنجالين