ۇستازدارعا بارلىق ۇلىقتاۋ جاراسادى

اتىراۋ وبلىستىق  دەنە تاربيەسى جانە سپورتتى دامىتۋ ورتالىعى ۇستازداردى ماراپاتتادى. 

مۇنىڭ الدىندا اتىراۋلىق وقىتۋشىلار ءبىلىم جانە عىلىم مينيسترلىگىنىڭ «ۇلتتىق عىلىمي-پراكتيكالىق دەنە تاربيەسى ورتالىعى» رمقك-نىڭ العىس حاتىمەن ماراپاتتالعان بولاتىن، دەپ حابارلادى اتالعان ورتالىقتىڭ ءباسپاسوز قىزمەتى.

سونىمەن قاتار قازاقستان رەسپۋبليكاسىنىڭ تۇڭعىش پرەزيدەنتى – ەلباسى تەستىلەرىنەن مەكتەپ وقۋشىلارى اراسىندا وتكەن ونلاين تۋرنيردە اتىراۋ وبلىسىنىڭ وقۋشىلارى – ەركىنقالا جالپى ورتا مەكتەبىنىڭ 10 سىنىپ وقۋشىسى ساعىنبەك حاسانوۆ پەن م.وتەمىسوۆ اتىنداعى جالپى ورتا مەكتەپتىڭ 11 سىنىپ وقۋشىسى ماليكە ەسەنوۆا 1-ورىندى جەڭىپ الىپ، سىناقتى پرەزيدەنتتىك دەڭگەيدە ورىنداعانى ءۇشىن سەرتيفيكاتپەن ماراپاتتالدى. ال ماحامبەت اۋدانى جالعانساي،  ا.بايتۇرسىنوۆ ورتا مەكتەبىنىڭ وقۋشىلارى د.الديار، س.بەرىكوۆ، ا.باعىتجان تەستىنى ۇلتتىق دەڭگەيدە ورىنداعانى ءۇشىن ماراپاتقا يە بولدى.

وقۋشىلاردى تۋرنيرگە ۇستازدارى – اتىراۋ قالاسى م.وتەمىسوۆ اتىنداعى جالپى ورتا مەكتەپتىڭ دەنە تاربيەسى مۇعالىمى مەيرامعالي باقتىگەرەي ۇلى دوسانوۆ، ماحامبەت اۋدانى ا.بايتۇرسىن ۇلى اتىنداعى جالپى ورتا مەكتەپتىڭ دەنە تاربيەسى مۇعالىمى جانىبەك جۇمابەك ۇلى قاپۋانوۆ پەن جالعانساي ورتا مەكتەبىنىڭ دەنە تاربيەسى مۇعالىمى جارقىن الديار ۇلى شىنيازوۆ دايىندادى.