SportPress.kz قازاقستان سپورت جاڭالىقتارى
بۇگىن تۇرىكمەنستاننىڭ استاناسى اشحاباد قالاسىندا جاۋىنگەرلىك ونەر تۇرلەرى بويىنشا جابىق عيماراتتا ءوتىپ جاتقان V ازيا ويىندارىندا قازاقستان سپورتشىلارى وزبەكتەردى باسىپ وزىپ، كوماندالىق ەسەپتە ءتورتىنشى ورىنعا كوتەرىلدى.
بىرەر ساعات بۇرىن وزبەكستان مەن قازاقستان سپورتشىلارى التىن مەدالدار سانى جاعىنان تەڭەسكەن بولاتىن. مىنە، كوپ ۇزاماي وتانداستارىمىز ەل قورجىنىنا ەكى التىن مەدال سالىپ، وزبەكستاندىقتاردى بەسىنشى ورىنعا سىرعىتتى.
قازىرگى ۋاقىتتا قازاقستان قورجىنىندا 25 التىن، 26 كۇمىس، 33 قولا مەدال بولسا، وزبەكستاندا 23 التىن، 30 كۇمىس، 67 قولا مەدال بار. ال كوش باسىندا تۇرىكمەنستان سپورتشىلارى تۇر. ولار جالپى مەدالدار سانىن 236-عا جەتكىزدى، ونىڭ 87-ءسى — التىن، 67-ءسى — كۇمىس، 82-ءسى — قولا مەدال. ەكىنشى ورىندا ەكى كۇننەن بەرى قىتاي سپورتشىلارى ەشكىمگە بەرمەي كەلەدى. ولاردىڭ ەنشىسىندە 38 التىن، 28 كۇمىس، 23 قولا، جالپى 89 مەدال بار. ءۇشىنشى ورىنعا 26 التىن، 18 كۇمىس، 59 قولا، بارلىعى 103 مەدال يەلەنگەن يران قۇراماسى جايعاسىپ وتىر.
ءدۇبىرلى دودا ەرتەڭ، ياعني 27 قىركۇيەك كۇنى ءوز مارەسىنە جەتەدى. بۇل دودادا ەل نامىسىن قورعاۋعا قازاقستاننىڭ 150 سپورتشىسى اتتانعان بولاتىن. ولار جارىستىڭ 17 تۇرىنەن سىنعا تۇسۋدە.
